Қабылов Төлен

Қабылов Төлен (1917,Алматы обл.Шелек (қазіргі Еңбекшіқазақ)ауд.-10.4.1945,Ресей, Калининград обл.Чкалов қ.)-Кеңес Одағының батыры(19.4.1945). 1942 ж. Қызыл Армия қатарына шақырылып,Қызыл тулы 24-гв. Евпатория атқыштар дивизиясының құрамында Сталинград шайқасына,Дон,Қырым,Украина ,Беларусь, Литваны азат ету ұрыстарына қатысқан. Қызыл Жұлдыз, 3-дірежелі Даңқ орденімен марапатталған. Кенигсберг қ. Түбінде Қ. Басқарған бөлімше жау танкілеріне қарсы шайқасты. Осы ұрыста Қ. Жау танкісімен бірге жарылып, қаза тапқан. Туған ауылындағы мектеп Қ. Есімі мен аталып, батырдың мүсінін орнатты. Калининград өлкетану мұражайында Қ-қа арналған бұрыш бар және қаладағы таңдаулы балықшы траулерінің бірі батырдың есімімен аталады. Калининград төңірегіндегі Чкалов қ-нда Қ-қа ескерткіш орнатылған.

Дереккөздер

"Қазақстан". Ұлттық инциклопедиясы 5-том