Қадир Хабитұлы Ғайсин

Ғайсин Қадир Хабитұлы (11.12.1924 жылы туған, Сырым ауданы, Жымпиты ауылы) — еңбек және соғыс ардагері. Орал педогогика институтын, ауыл шаруашылық техникумын бітірген. 1942-47 ж. аралығында 116-атқыштар полкінің құрамында 1,2-Украина майдандарында соғысады; Праганы (Чехословакия) азат етуге, Батыс Украинадағы бендеровшілер отрядтарын жоюға қатысады. Майданнан оралған соң Жәнібек, Жымпиты ауданында партия-кеңес органдарында басшылық қызмет атқарды. 1972-85 ж. аралығында Орда ауданындағы М. Мәметова атындағы кеңшар директоры, 1987 жылдан облысы ардагерлер ұйымының төрағасы болды. Бірнеше орден, медальмен марапатталған.