Қазақстан Олимпиада футбол құрамасы

	Қазақстан Олимпиада футбол құрамасы
Конфедерация	УЕФА
Федерация	Қазақстан Футбол Федерациясы
Үй стадионы	Астана Арена
Формасы
Негізгі; форма	Қонақтық; форма
Бірінші ойын
	Қырғызстан 0:0 Қазақстан ; (6 маусым 1993)
Ең ірі жеңіс
	Қазақстан 20:1 Гуам ; (наурыз, 1997)
Ең ірі жеңіліс
	Сауд Арабиясы 4:0 Қазақстан ; (21 наурыз 1995)
	Бұл үлгіні: көру • талқылау • өңдеу

Қазақстан Олимпиада футбол құрамасы — Олимпиада және Олимпиада іріктеу турнирлерінде Қазақстанның атынан сынға түсетін Олимпиадалық немесе 23 жасқа дейінгі футбол құрамасы. Қазақстан футбол федерациясының бақылауындағы ұжым. Әзірше жазғы Олимпиада ойындарына қатыспаған.

Тарихы

АФК-да

1992 жылғы Олимпиадаға Қазақстан спортшылары ТМД (Біріккен құрама деген атаумен) құрамында қатысты да, 1993 жылы өз Олимпиада командасын жасақтады.

Қазақстан Олимпиада құрамасы тұңғыш ойынын 1993 жылы 6 маусымда Қырғызстанға қарсы өткізіп, 0:0 есебімен тең түсті. Бұл ойынға команданы жаттықтырушы Леонид Остроушко дайындады.

Қазақстан Ұлттық футбол құрамасында доп тепкен футболшылардың көпшілігі осы Олимпиада құрамасында ойнаған. (Қараңыз: Санат:Қазақстан Ұлттық футбол құрамасының ойыншылары)

1995 жылы тұңғыш ресми ойынын өткізді. 1996 жылғы Олимпиада іріктеуінде Өзбекстан, Тәжікстан, Қырғызстан құрамаларымен бір топқа түсіп, бірінші орын алды. Бұл кезеңде алты ойыннан бесеуінде жеңіске жетті. Бірақ екінші кезеңде Оңтүстік Корея, Сауд Арабиясы, Қытай құрамаларымен бір топқа түсті де, соңғы орында қалды.

Сидней-2000 іріктеуінде тағы да көршілері Өзбекстан, Қырғызстан, Тәжікстан, Түрікменстанмен бір топқа түсіп, бірінші орын алды. Алайда екінші кезеңде тағы да жолы болмады, Жапонияны алға оздырып, екінші орында қалды.

УЕФА-да

2002 жылы Қазақстан Футбол Федерациясы УЕФА сапына өтті де, енді Қазақстан Олимпиада құрамасы Еуропа елдерімен ойнай бастады.

2007 жылғы 21 жасқа дейінгі Еуропа біріншілігінің іріктеуі мен Олимпиада-2008 іріктеуі бір турнир боп біріктірілді. Қазақстан алғашқы кезеңде-ақ Молдовадан 0:1 есебімен ұтылды да, іріктеудің топтық кезеңіне де қатыса алмады.

Лондон-2012 іріктеуінде (ЕУРО-2011 жастар чемпионаты іріктеуімен қоса өткізілді) Швеция, Испания, Черногория, Болгария құрамаларымен бір топқа түсіп, Болгарияны ғана артқа тастай алды.

Бразилия-2016 Олимпиада ойындары мен ЕУРО-2015 жастар чемпионатының іріктеуі де бірге өткізілді. Бұл жолы қазақстандықтар Франция мен Исландиядан кейін үшінші орында қалды.

2017-18 жылдары өткізілген 2020 жылғы Олимпиада іріктеуінде алты құраманың ішінде төртінші орында қалды.

Қазіргі футболшылары

Олимпиада ойындарында

1992 жылға дейін — КСРО және ТМД құрамында болды.
1996—2016 — Іріктеуден өте алмады

Сілтемелер

Қазақстан Олимпиада құрамасы. 1993-99 жж

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.