Қазақстан Республикасы Президентінің Әкімшілігі
Қазақстан Республикасы Президентінің Әкімшілігі — Қазақстан президентіне тікелей бағынатын және есеп беретін, Президенттің қызметін ақпараттық-талдамалық, құқықтық, хаттамалық-ұйымдастырушылық, құжаттамалық жағынан қамтамасыз ететін мемлекеттік орган.[2]
| Қазақстан Республикасы Президентінің Әкімшілігі | |
|---|---|
| |
| Қазақстан Президентінің туы | |
| Жалпы мағлұмат | |
| Мемлекет |  Қазақстан
|
| Құрылған уақыты | 20 қазан 1995 |
| Штаб-пәтері |  Астана, Ақорда резиденциясы
|
| Қызметкерлер саны | 450 адам (2024)[1] |
| Жылдық бюджеті | 250 миллион $[1] |
| Басшысы | Айбек Дәдебаев |
| Басшының бірінші орынбасары | Дархан Сатыбалды |
| Ресми сайты | |
| akorda.kz | |
Тарихы
өңдеу1990 жылы 24 сәуірде Президент лауазымының енгізілуіне байланысты оның қызметін қамтамасыз ету үшін Президент кеңсесі (аппараты) құрылды. 1990 жылы 20 қарашада Министрлер Кеңесінің аппараты Президент аппаратына қосылды. 1991 жылдан бастап ол Президент пен Министрлер Кабинетiнiң аппараты деп атала бастады. 1994 жылы 13 сәуірде одан Президент аппараты қайта бөлінді. Жаңа Конституция қабылдануына байланысты Президент аппараты 1995 жылғы 20 қазаннан бастап Президент Әкімшілігі болып өзгертілді.
Қызметі
өңдеуНегізгі міндеттері Қазақстан Республикасы Президентінің жанындағы кеңесші органдардың қызметін қамтамасыз ету, мемлекеттік органдардың қызметіне жалпы бақылау, соның ішінде мемлекет басшысының актілері мен тапсырмаларының орындалуын қадағалау, Қазақстан Республикасы Президентінің шешімдерін сөзсіз, мүлтіксіз және дер кезінде орындауды қамтамасыз ету, Қазақстан Республикасының Президентін елдегі және шет елдегі жағдай туралы дер кезінде әрі толық хабардар ету болып табылады.
Қазақстан Республикасы Президентінің Әкімшілігі мемлекет басшысының халық пен мемлекет биліктің бірлігін, конституциялық заңдылықтың мызғымай сақталуын, адам және азаматтың құқықтары мен бостандықтарын қамтамасыз ету, мемлекеттік егемендікті, конституцияны. құрылысты қорғау және нығайту, Қазақстан Республикасының қауіпсіздігі мен аумақтық тұтастығын қамтамасыз ету жөніндегі саясатын іске асыруға, елдің әлеуметтік-экоомикалық даму стратегиясын іске асыру жөніндегі шаралар кешенін әзірлеуге қатысады, Елбасының Қазақстан халқына арналған жыл сайынғы Жолдауын даярлауға қатысады. Ол мемлекет басшысы айқындайтын еліміздің сыртқы саяси стратегиясын әзірлейді, сыртқы экономиялық мәселелер бойынша ұсыныстарды тұжырымдайды, Қазақстан Республикасының Президентінің сыртқы саяси құзыретін протоколдық қамтамасыз етуді жүзеге асырады. Құқық қорғау және өзге мемлекет органдардың қылмысқа қарсы күресін, ұлттық қауіпсіздікті, құқықтық тәртіп пен заңдылықты қамтамасыз ету жөніндегі қызметін үйлестіруді және бақылау жасауды жүзеге асыра отырып, Президентке мемлекеттің құқықтық саясатының негізгі бағыттары жөнінде ұсыныстар енгізеді. Мемлекет басшысының Қазақстан Республикасының Парламентіне қатысты өкілеттіктерін қамтамасыз ету мақсатында оны Парламенттегі заң шығарудың жай-күйі және онда қаралатын мәселелер туралы ұдайы хабардар етіп отырады.
Қазақстан Республикасы Президентіне: Парламент Мәжілісіне заң жобаларын енгізу туралы, Үкімет актілерінің күшін жою не толық немесе ішінара тоқтата тұру, Үкіметтің аса маңызды мәселелер жөніндегі отырыстарында мемлекет басшысының төрағалық етуі, мемлекеттің орталық атқарушы органдарын құру, тарату және қайта ұйымдастыру туралы ұсыныстар енгізеді. Қазақстан Республикасы Президентінің Конституциялық Кеңеске өтініштерін және оның шешімдеріне мемлекет басшысының қарсылықтарын дайындауды жүзеге асырады, мемлекет басшысының оған тікелей бағынатын әрі есеп беретін мемлекеттік органдарға және Қазақстан Республикасы Президенті жанындағы кеңесші органдарға қатысты өкілеттіктерін қамтамасыз етеді. Әкімшілік елдің аймақтық саясатының стратегиясы, жергілікті өкілді және атқарушы органдардың сындарлы түрде бірлесіп жұмыс істеуі, олардың елдің орталық органдарымен, көршілес мемлекеттердің шекара маңындағы аймақтарымен өзара іс-қимылдары жөнінде болжам жасауды және Қазақстан Республикасының Президентіне ұсыныстар тұжырымдауды жүзеге асырады, мемлекет басшысының әкімдермен өзара іс-қимылын қамтамасыз етеді. Қазақстан Республикасының Президентінің актілері мен тапсырмаларын барлық мемлекеттік органдар мен мемлекеттің лауазымды тұлғаларының сөзсіз және мүлтіксіз орындауына, Үкіметтің, орталық атқарушы және өзге мемлекеттік органдардың және лауазымды тұлғалардың актілерінің Конституцияға, ел заңдарына, Президент актілеріне сәйкестігіне бақылау жасауды жүзеге асырады. Қазақстан Республикасы Президентінің Әкімшілігі жүргізетін тексерулердің нәтижелері мен олар бойынша жасалынған қорытындылар ұдайы Қазақстан Республикасының Президентіне баяндалып отырады. Мемлекет басшысының қызметін ақпараттық-талдау тұрғысында қамтамасыз етуді жүзеге асыра отырып, ішкі және сыртқы саяси ахуалға талдау жүргізеді, Қазақстан Республикасының Президентінің БАҚ-мен өзара іс-қимылын қамтамасыз етеді, мемлекет басшысының қарауына республикадағы мемлекеттік қызметтің заңдары мен жүйесін жетілдіру, кадрларды іріктеу және орналастыру жөнінде ұсыныстар енгізеді, қызметке тағайындау және қызметтен босату кезінде материалдарды рәсімдейді. Елбасының өзге өкілеттіктерін іске асыруды қамтамасыз ету мақсатында Президенттің азаматтық, саяси баспана беру мәселелері жөніндегі шешімдерінің жобаларын әзірлейді, Президентке мемлекеттік наградалармен марапаттау әрі құрметті, жоғары әскери және өзге атақтарды, сыныптық шендерді, дипломатиялық дәрежелерді беру жөнінде ұсыныстар енгізеді, Президенттің азаматтарға кешірім жасауды жүзеге асыруын қамтамасыз етеді, Елбасы бекітетін мемлекеттік бағдарламаларды әзірлеуге қатысады. Президент әкімшілігі Қазақстан Республикасынң Президенті жанындағы кеңесші органдарға тапсырмалар беруге хақылы, көзделген өкілеттіктерін іске асыру үшін мемлекеттік органдар мен лауазымды тұлғалардан қажетті ақпаратты, құжаттар мен өзге материалдарды сұратуға және алуға хақысы бар.[3]
Құрылымы
өңдеуПрезидент Әкімшілігінің 2025 жылғы құрылымы:
- Басшылық
- Қазақстан Республикасының Мемлекеттік кеңесшісі: Ерлан Қарин
- Қазақстан Республикасы Президенті Әкімшілігінің Басшысы: Айбек Дәдебай
- Қазақстан Республикасы Президенті Әкімшілігі Басшысының бірінші орынбасары: Дархан Сатыбалды
- Қазақстан Республикасы Қауіпсіздік Кеңесінің хатшысы: Ғизат Нұрдәулетов
- Қазақстан Республикасы Президентінің ішкі саясат және коммуникациялар мәселелері жөніндегі көмекшісі: Арман Қырықбаев
- Қазақстан Республикасы Президентінің халықаралық мәселелер жөніндегі көмекшісі: Ержан Қазыхан
- Қазақстан Республикасы Президентінің құқықтық мәселелер жөніндегі көмекшісі: Ержан Жиенбаев
- Қазақстан Республикасы Президентінің экономикалық мәселелер жөніндегі көмекшісі: Қанат Шарлапаев
- Қазақстан Республикасы Президентінің көмекшісі: Тамара Дүйсенова
- Қазақстан Республикасы Президенті Кеңсесінің бастығы: Бақытжан Сариев
- Қазақстан Республикасы Президентінің кеңесшісі: Бауыржан Омаров
- Қазақстан Республикасы Президентінің кеңесшісі: Мәлік Отарбаев
- Қазақстан Республикасы Президентінің кеңесшісі: Ернар Баспаев
- Қазақстан Республикасы Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі: Зүлфия Сүлейменова
- Қазақстан Республикасы Президентінің ғылым және инновациялар мәселелері жөніндегі кеңесшісі: Күнсұлу Закария
- Қазақстан Республикасы Президентінің кеңесшісі: Қуанышбек Есекеев
- Қазақстан Республикасы Президентінің кеңесшісі: Мағзұм Мырзағалиев
- Қазақстан Республикасы Президентінің кеңесшісі — Баспасөз хатшысы: Руслан Желдібай
- Қазақстан Республикасы Қауіпсіздік Кеңесі хатшысының орынбасары: Мұрат Баймұқашев
- Қазақстан Республикасы Қауіпсіздік Кеңесі хатшысының орынбасары: Нұржан Каджиақбаров
- Құрылымдық бөлімшелер
- Ақпараттық ресурстарды қорғау бөлімі
- Цифрландыруды дамыту бөлімі
- Әлеуметтік-экономикалық саясат бөлімі
- Жалпы бөлім
- Ішкі саясат бөлімі
- Коммуникациялар бөлімі
- Құқық қорғау жүйесі бөлімі
- Мемлекеттік құқық бөлімі
- Мемлекеттік бақылау бөлімі
- Мемлекеттік қызмет бөлімі
- Сыртқы саясат бөлімі
- Өтініштерді қарауды бақылау бөлімі
- Өңірлік даму мониторингі бөлімі
- Қазақстан Республикасы Президентінің Кеңсесі
- Қазақстан Республикасы Президентінің Баспасөз қызметі
- Қазақстан Республикасы Президентінің Протокол қызметі
- Қазақстан Республикасы Президентінің Қазақстан Республикасы Парламентіндегі Өкілдігі
- Қазақстан Республикасы Президенті Әкімшілігі Басшысының хатшылығы
- Қазақстан Республикасы Мемлекеттік кеңесшісінің хатшылығы
- Қазақстан халқы Ассамблеясы хатшылығы
- Қазақстан Республикасы Қауіпсіздік Кеңесінің Ахуалдық орталығы
- Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімі
- Қазақстан Республикасы Қауіпсіздік Кеңесінің Қауіпсіздіктің өзекті мәселелері бөлімі
- Қазақстан Республикасы Қауіпсіздік Кеңесінің Талдау бөлімі[4]
- Қарамағындағы мемлекеттік мекемелер
- «Қазақстан Республикасы Президентінің Архиві» РММ
- Қазақстан Республикасының Президенті жанындағы «Орталық коммуникациялар қызметі» РММ
- Қазақстан Республикасының Президенті жанындағы «Қазақстанның стратегиялық зерттеулер институты» РММ
Басшылары
өңдеу| № | Суреті | Аты-жөні (Өмір сүрген жылдары) |
Басқарған уақыты | |
|---|---|---|---|---|
|
Қазақ КСР Президентінің кеңсесі (1990) | ||||
| 1 |  |
Нұртай Әбіқаев (1947 туған) |
мамыр 1990 | қазан 1995 |
|
Қазақстан Республикасы Президентінің Әкімшілігі (1995–) | ||||
| 1 | .svg) |
Сағынбек Тұрсынов (1946 туған) |
қазан 1995 | маусым 1996 |
| м.а. |  |
Ахметжан Есімов (1950 туған) |
маусым 1996 | қазан 1996 |
| 2 |  |
Оралбай Әбдікәрімов (1944 туған) |
қазан 1996 | қазан 1997 |
| 3 | |
Сарыбай Қалмырзаев (1949—2012) |
қазан 1997 | қаңтар 1998 |
| м.а. | |
Владимир Шепель (1947—2021) |
қаңтар 1998 | ақпан 1998 |
| 4 | |
Ахметжан Есімов (1950 туған) |
ақпан 1998 | тамыз 1998 |
| 5 |  |
Әлихан Бәйменов (1959 туған) |
тамыз 1998 | ақпан 1999 |
| 6 | |
Сарыбай Қалмырзаев (1949—2012) |
ақпан 1999 | қаңтар 2002 |
| 7 | |
Нұртай Әбіқаев (1947 туған) |
29 қаңтар 2002 | 10 наурыз 2004 |
| 8 | _(cropped).jpg) |
Иманғали Тасмағамбетов (1956 туған) |
10 наурыз 2004 | 9 желтоқсан 2004 |
| 9 | .jpg) |
Әділбек Жақсыбеков (1954 туған) |
19 желтоқсан 2004 | 23 қаңтар 2008 |
| 10 |  |
Қайрат Келімбетов (1969 туған) |
23 қаңтар 2008 | 13 қазан 2008 |
| 11 | .jpg) |
Аслан Мусин (1954 туған) |
13 қазан 2008 | 21 қыркүйек 2012 |
| 12 | _(cropped).jpg) |
Кәрім Мәсімов (1965 туған) |
24 қыркүйек 2012 | 3 сәуір 2014 |
| 13 | .jpg) |
Нұрлан Нығматулин (1962 туған) |
3 сәуір 2014 | 21 маусым 2016 |
| 14 | |
Әділбек Жақсыбеков (1954 туған) |
21 маусым 2016 | 10 қыркүйек 2018 |
| 15 | .jpg) |
Әсет Исекешев (1971 туған) |
10 қыркүйек 2018 | 24 наурыз 2019 |
| 16 | _(cropped).jpg) |
Бақытжан Сағынтаев (1963 туған) |
24 наурыз 2019 | 28 маусым 2019 |
| 17 |  |
Қырымбек Көшербаев (1955 туған) |
28 маусым 2019 | 18 қыркүйек 2019 |
| 18 | .jpg) |
Ерлан Қошанов (1962 туған) |
18 қыркүйек 2019 | 1 ақпан 2022 |
| 19 | _(cropped).jpg) |
Мұрат Нұртілеу (1976 туған) |
1 ақпан 2022 | 3 сәуір 2023 |
| 20 | .jpg) |
Олжас Бектенов (1980 туған) |
3 сәуір 2023 | 6 ақпан 2024 |
| 21 | |
Айбек Дәдебаев (1980 туған) |
6 ақпан 2024 | — |
Президент әкімшілігі басшысының бірінші орынбасарлары
өңдеу- Владимир Ни (1991—1992)
- Қайыржан Тақуов (1993—1994)
- Михаил Тимкин (1994—1995)
- Марат Тәжин (2002—2006)
- Марат Тәжин (2017—2019)
- Дархан Кәлетаев (2019)
- Мәулен Әшімбаев (2019—2020)
- Дәурен Абаев (2020—2022)
- Тимур Сүлейменов (2022—2023)
- Дархан Сатыбалды (2025 жылдан бастап)
Президент кеңсесінің бастықтары
өңдеу- Владимир Шепель (1995—1996)
- Махмұд Қасымбеков (1996—2019)
- Нұрлан Онжанов (2019—2022)
- Бақытжан Сариев (2022 жылдан бастап)
Дереккөздер
өңдеу- ↑ a b Политический штаб президента Токаева
- ↑ Қазақстан Республикасы Президентінің Әкімшілігі туралы ережені бекіту туралы
- ↑ «Қазақстан»: Ұлттық энцклопедия // Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том
- ↑ Президент Әкімшілігінің құрылымы