Қазақстан — Түрікменстан футбол матчы (1992)

Қазақстан және Түрікменстан арасындағы футбол матчы — Аталған екі құраманың да тарихындағы тұңғыш матч. 1992 жылы 1 маусымда Алматыдағы Орталық стадионда өтті.

Қазақстан — Түрікменстан
Турнир

Орта Азия кубогы

Дата

1 маусым 1992 жыл

Стадион

Орталық стадион, Алматы

Арбитр

Қырғызстан Бинареддин Сұлтанбаев

Көрермендер

2 500

МатчӨңдеу

Матч тарихыӨңдеу

1991 жылы КСРО тарады да, КСРО-ға қатысты барлық спорт турнирлері өткізілуін тоқтатты. КСРО-дан бөлінген одақтас республикалар тәуелсіздігін алып, спорт саласында да жекелей біріншіліктерін өткізуді бастады. Қазақстан да, Түрікменстан да өз ұлттық чемпионаттарын өткізуге кірісті.

1994 жылғы әлем чемпионатының іріктеуінің жеребесі ол кезде тартылып қойғандықтан, посткеңестік елдердің көбі ол турнирге қатыса алмады, халықаралық ресми жарыстардағы дебютін кем дегенде 2-3 жыл күтуге тура келді де, Қазақстанмен бірге бірнеше елдің футбол ұйымдары құрлықтық федерацияларға және ФИФА-ға мүше болуға асықпады.

1992 жылдың сәуірінде Қазақстан, Өзбекстан, Қырғызстан, Түрікменстан, Тәжікстан футбол басшылары "Орта Азия" кубогын ұйымдастырып, ұлттық құрамалардың шама-шарқын сынап көруге шешім қабылдады. Турнир екі айналымнан тұрады деп келісілді (көп ұзамай Тәжікстан құрамасы елдегі тынышсыздыққа байланысты екі турдан соң жарысты жалғатырудан бас тартты). Жеребе бойынша осынау бейресми турнирдің тұңғыш кездесуі 1 маусым күні Алматыда Қазақстан және Түрікменстан құрамаларының арасында өтеді деп бекітілді.

Стадионда Қазақ КСР-інің туы ілініп тұрды (мемлекеттік рәміздер әлі ол кезде бекітіле қоймаған-ды, матчтан үш күннен соң ғана Қазақстанның аспан түстес туы жарыққа шықты).

Матч тағдырын шешкен жалғыз гол 86-минутта соғылды. Оң қапталдан асырылған допты Владимир Нидергаус тоқтатпай теуіп, алыс бұрыштың тоғыздығын дәл көздеді. Қазақстан құрамасы жаңа тарихын жеңіспен бастады.


ДетальдарӨңдеу

1 маусым 1992 жыл
  Қазақстан 1:0[1]   Түркіменстан
Владимир Нидергаус 86 Голдар
Орталық стадион, Алматы
Төреші: Б. Сұлтанбаев  
Көрермендер 2500
ққ 1 Вадим Егошкин
қ 2 Асқар Қожабергенов
қ 3 Сергей Пасько
қ 4 Евгений Сысоев   46'
ж 5 Марат Есмұратов
ж 6 Анатолий Поведенок   89'
ж 7 Руслан Дүзмәмбетов   61'
ш 8 Владимир Нидергаус
ш 9 Асқар Әбілдаев   46'
ж 10 Вахид Масудов   73'
ш 11 Андрей Мирошниченко
Алмасулар:
қ Сұлтан Әбілдаев   46'
қ Баян Бадағұлов   89'
ш Александр Богатырев   46'
ш Юрий Найдовский   61'
ж Талғат Байсуфинов   73'
Бапкер:
Бақтияр Байсейітов
ққ 1 Александр Коробко
қ 2 Рахим Құрбанмамедов
қ 3 Чарыяркули Сейдиев
қ 4 Игорь Серкеров
ж 5 Джумадурды Мередов
ж 6 Алексей Козлов   73'
ж 7 Владимир Костюк
ш 8 Камиль Мингазов   64'
ж 9 Виталий Золотухин
ш 10 Равшан Мухадов   86'
ш 11 Чарыяр Мухадов   69'
Алмасулар:
ж Бердымурад Нурмурадов   69'
ш Амандурды Аннадурдыев   73'
ш Рафис Гильманов   86'
ж Курбанмамед Мередов   64'
Бапкер:
Байрам Дурдыев

Матчтан соңӨңдеу

Бұл екі құрама сол жылдың 14 қыркүйегінде тағы кездесті. Бұл жолғы ойын Түрікменстанда өтіп, 1:1 есебімен тең аяқталды. Күзде аяқталған осы турнирде Қазақстан чемпион атанды. Түрікменстан үшінші орында қалды.

Бұдан соң қос құрама 1994 жылы 15 сәуірде Өзбекстан тәуелсіздігі кубогында кездесті. Бұл ойында есеп ашылмады.

Тағы қараңызӨңдеу

ДереккөздерӨңдеу

СілтемелерӨңдеу