Қазақ елі (газет)

 Басқа мағыналар үшін Қазақ елі деген бетті қараңыз.

«Қазақ елі» - газет. Шет елдерде тұратын қазақтарға арналған басылым. 1995 жылы 20 сәуірден шыға бастаған. Төте араб жазулы "Шалқар" қосымшасы айына екі рет жарық көріп тұрады.

Сол кездегі қаржыландырушы құрылтайшысы Дүниежүзі қазақтарының қауымдастығы. Кейін Қазақстан Республикасы Мәдениет, ақпарат және қоғамдық келісім министрлігінің қарамағына өткен. 1999 жылы Қаржы тапшылығына байланысты газет жабылып, 2000 жылы қайта шыққан. "Қазақ елі" Шет елдердегі қазақтардың тыныс-тіршілігі, ата жұрттың қамқорлығы, оралмандарды орналастыру мәселелерін үзбей көтеріп келеді. 2003 жылдан көші-қон тақырыбы кең камтылады.

Шет елдердегі қазақтарға арналған алғашқы басылым 1944 жылы жарық көрген "Қазақ елі" журналы 1956 жылы жабылып қалды. Арада 20 жыл өткен соң 1976 жылы "Біздің Отан", кейін "Шалқар" апталық газеті жарық көрді. "Қазақ елі" журналы осы басылымдардың ізбасары болып табылады.

Құрылтайшысы Дүние жүзі қазақтарының қауымдастығы.

Бас редакторы журналист, жазушы Бақыт Сарбалаұлы (2003). Таралымы 7000 дана апталық газеті Өзбекстанға, Моңғолияға, Ресейге, Түркияға, Қытайға, т.б. шет елдерге жіберіледі.