Қаздар туысы

Қаздар – үйрек тұқымдасына жататын құстар туысы. Қаздың жабайы түрлерінің салмағы 2 – 12 кг, дене тұрқы 60 – 100 см. Құрлықты не тайыз суды мекендейді. Суда жақсы жүзеді, сүңгиді. Балапан басатын кезде жұбымен жүреді, ұясын құрлыққа (шөптен, қынадан, мамықтан) салады. Әр ұяда 5 – 30 (-100) жұмыртқа болады, оны мекиені басады. Асыранды қаз жабайы сұр қаздан тараған. Асыранды қаздың түсі, ірілігі әр түрлі, мамығы көп болады, бұл оны суықтан сақтайды. Балапан қаз 265 – 350 күндігінде жұмыртқалай бастайды. Тұқымына, күтіп бағуына, ауа райына қарай 4 – 8 ай жұмыртқа салады. Қазды 5 – 6, кейде 8 жыл қолда ұстауға болады. 3 – 4 мекиенге 1 кежек қосады. Қазды әдетте 6 айлығында етке сояды. Қаз етінде 16% белок, 35% май болады. Қаз майы – үсікті емдеуде шипалы зат. Қаздың мамығы, қауырсыны өте пайдалы.

Қаздар
Anser anser
Ғылыми топтастыруы
Дүниесі: Жануарлар Жамағаты: Хордалылар Табы: Құстар Ұлы сабы: Қазтәрізділер Сабы: Anseriformes Тұқымдасы: Үйрек тұқымдасы Кіші тұқымдасы: Anserinae Тайпасы: Anserini Тегі: Anser Brisson, 1760
Үлгілік түрі
Anas anser Linnaeus, 1758
Түрлері:
Anser albifrons Anser anser A. a. anser A. a. rubrirostris A. a. domesticus Anser brachyrhynchus Chen caerulescens Chen canagica Anser cygnoides A. c. cygnoides A. c. domesticus Anser fabalis Anser erythropus Anser indicus Chen rossii Anser serrirostris and see text
Синонимдері
Chen Boie, 1822 (but see text) Cygnopsis Brandt, 1836 Cycnopsis Agassiz, 1846 (emendation) Eulabeia Reichenbach, 1852 Philacte Bannister, 1870 Heterochen Short, 1970 (but see text)