Қазкен Қалиұлы Томпы

Қазкен Қалиұлы Томпы - 1935 жылы 13 маусымда Қарағанды облысы Балқаш қаласында туған. Қазақ. Арғын тайпасы, Қаракесек руының Керней бұтағынан шыққан. Әкесі - Томпиев Қали, металлург, Балқаш қаласы және Металлургиялық комбинаты (БҚМК) құрылысының негізін қалаушы; Балқаш қаласындағы көшелердің біріне есімі берілген. Анасы -Томпиева Рыскүл, батыр-ана. Қарағанды политехникалық институтының өнеркәсіптік-азаматтық құрылыс факультетін бітірген (1963), инженер-құрылысшы. Халықаралық ақпарат академиясының мүше-корреспонденті (2009 жылдан). «Кім ол? Томпиев Қали», «Арғын - Томпы тарауының шежіресі», «Азия және Еуропа түрік тайпалары мен халықтары туралы» кітаптарының авторы. Қазақ, орыс және неміс (сөздікпен) тілдерін меңгерген. 1955 жылдан - Ақшатау вольфраммолибден кеніші басқармасы Оңтүстік-Шығыс кенішінің сынамашысы, қазбашысы. 1958 жылдан - Қарағанды политехникалық институтының студенті. 1963 жылдан - Қарағанды политехникалық институтының Балқаш факультетінің ассистенті, аға оқытушысы. 1970 жылдан - «Қарағандықалаауылжоба» МЖИ Балқаш бөлімі жобасының бас инженері. 1975 жылдан - «Қазқалақұрылысжоба» СЖШ-8 бастығы (Талдықорған қ.). 1977 жылдан - "Казгорстройпроект» МҚЖИ бөлімшесінің директоры (Талдықорған қ.). 1980 жылдан - «Казгорстройпроект» МҚЖИ техникалық бөлімінің бастығы, бас инженерінің орынбасары (Алматы қ.). 1981 жылдан - Апматы қаласындағы одақтық маңыз иеленген, Орталық Азия республикаларында бөлімшелері бар «Казгипроторг» МЖИ директоры. 1985 жылдан - Жобаларды мемлекеттік сараптау басқармасының бас құрастырушысы, бастығының орынбасары. 1988 жылдан - ҚазКСР Мемлекеттік құрылысы жанындағы Қазбасмемсараптама бөлімінің бастығы. 1995 жылдың маусымынан - зейнеткерлік демалыста. 2-ші шақырылған Талдықорған қалалық Еңбекші депутаттар кеңесінің депутаты (1979-1982). Қазақстан Жүргізушілер одағы қоғамының төралқа мүшесі. «Еңбек ардагері» медалімен (1980), 2-ші дәрежелі «Шекара әскерінің үздігі» омырау белгісімен марапатталған. ҚазКСР Еңбек сіңірген қурылысшысы (1980). Әскери атағы - запастағы аға лейтенант. Хоббиі - жазушылық қызмет. Үйленген. Жұбайы-Томпиева Роза Бекенқызы (1939 ж. т.), зейнеткер, ҚазКСР денсаулық сақтау ісінің үздігі. Ұлы - Марал (1963 ж. т.), бизнесмөн, Алматы кәсіпкерлер қауымдастығының вице-президенті; қыздары - Шолпан (1965 ж. т.), заңгер, Раушан (1971 ж. т.), жекө кәсіпкер.