Қанатты бақалар

Қанатты бақалар (лат. Rhacophorus) — құйрықсыз қосмекенділер туысы, ескекаяқты бақалар тұқымдастарына жатады. Дене ұзындығы 6—дан 10 см дейін Жапония мен оңтүстік Азияда 18 түрі таралған. Ағаштарда ұялап өмір сүреді. Сондықтанда бақа аяқтарының саусақ аралығында жақсы жетілген жарғақтары бар. Кейбір түрлерінде жарғақтың көлемі 20 см2 жетеді. Ағаштан ағашқа, бұтақтан бұтаққа, жерге секірген жағдайда бақа саусақтарын кең ашып, денесін жайып, ауада қалқып 10—12 м дейін ұша алады. Көркем түсті, көбінесе жасыл. Ұрғашылары еркектерінен ірі, мысалға R. schelegelii түрі, көбею кезінде еркектерін арқасына отырғызып, тасымалдап жүреді. Жұмыртқаларын су бетіне жақын өсімдік жапырақтарына салады.