Қаныш Сәтбаев жерлестері жадында (жинақ)

Қаныш Сәтбаев жерлестері жадында - Алматыдағы «Жібек жолы» баспа үйінде 1999 жылы қазақ тілінде жарық көрген жинақ. Құрастырушы – Қаныш Сәтбаев атындағы Халықаралық қордың Павлодар бөлімшесінің директоры - О.Қожанов.

Қазақ КСР Ғылым Академиясының тұңғыш президенті Қаныш Сәтбаевтың 100 жылдық мерейтойына орай жарық көрген естелік кітапта Қаныштың жерлестері, замандастары Ә.Маргұлан, Ш.Шөкин, Ә.Сағынов, Қ.Мақатов, А.Қайыпов, З.Ақышев, Қ.Cабаев, Қ. Жәмінов, Ғ.Бекжанов, О.Қожанов, К.Салықов тағы басқалары оның ғибратты өмірі, азаматтық келбеті, кісілік қадір- қасиеті жайында сыр шертіп, ой бөліседі.

Алғы сөзін жазған - Сәтбаевтанушы жазушы М.Сәрсеке. 6 фотосурет берілген. Көлемі 6,3 баспа табақ. Таралымы 1000 дана.