Қаракөншек

Қаракөншек, Қарақұншық — көне қалашық орны. Шәуілдір ауылынан солтүстік-батысқа қарай, Арыстың Сырдарияға құяр жерінде. 1948—49 жылы Оңтүстік Қазақстан археологиялық экспедиция (жетек. А.Н.Бернштам) 1959— 70 ж. Отырар археологиялық экспедиция (жетек. К.Ақышев) зерттеген. Сопақша формалы төбенің биікігі 15 м, солтүстік-шығыстан оңтүстік-батысқа карай 150 м. Төбе үстінің ауданы 100x70 м. Зерттеу нәтижесінде қара, қызыл бояумен боялған, кангюй, Хорезм және ғұн стилінде жасалған қыш ыдыстардың сынықтары, 3100-ге жуық теңге табылды. Қаракөншек формасына қарай шағын калашықтың немесе қаңлы үйінің үлгісінде дамыған ірі қоныстың орны болуы керек. Алынған материалдарға қа¬рағанда, қалашықты халық 1 — 12 ғасырлар шенінде мекен етіп, мал өсірумен және егін егумен айналысқан.