Қарасаз ауылдық округі (Жамбыл облысы)

Қарасаз ауылдық округі Жамбыл облысы, Жуалы ауданындағы әкімшілік бірлік.

Қазақстан ауылдық округі
Қарасаз ауылдық округі
Облысы

Жамбыл облысы

Ауданы

Жуалы ауданы

Округ орталығы

Қарасаз

Енеді

5 ауыл

Тұрғыны (2021)

3471

Уақыт белдеуі

UTC+6:00

Автомобиль коды

08

 Басқа мағыналар үшін Қарасаз ауылдық округі деген бетті қараңыз.

Әкімшілік құрамы өңдеу

Құрамына Ақбастау, Жұрымбай, Көктас, Қарасаз, Қарасу ауылдары кіреді. Орталығы – Қарасаз ауылы.[1]

Халқының саны (2009, 2021)[2]
Елді мекен 2009 2021 2021 2009-ға пайызбен Ерлер 2009 Ерлер 2021 2021 2009-ға пайызбен Әйелдер 2009 Әйелдер 2021 2021 2009-ға пайызбен
Ақбастау ауылы 657 740 112,6 337 384 113,9 320 356 111,3
Жұрымбай ауылы 357 323 90,5 173 165 95,4 184 158 85,9
Көктас ауылы 175 171 97,7 93 85 91,4 82 86 104,9
Қарасаз ауылы 1983 2141 108 959 1090 113,7 1024 1051 102,6
Қарасу ауылы 138 96 69,6 74 54 73 64 42 65,6
Жалпы саны 3310 3471 104,9 1636 1778 108,7 1674 1693 101,1

Округтің жер көлемі 28066, жалпы жер көлемі 28000 га. Оның ішінде ауыл шаруашылық жері 25,5 мың га, тәлімдік жер 12400 га, жайылымдығы 134 мың га, суармалы жер өте аз.

Ауылдық округте 2 орта, бастауыш мектеп, балабақша, мәдениет үйі, кітапхана, жанұялық дәрігерлік амбулатория, 3 фельдшерлік пункт жұмыс істейді. Ауыл іргесімен жағалай ну тоғай өскен Теріс өзені ағады, жері көкмайсалы, жазықты келеді.

Ауыл маңы табиғаты өңдеу

Бақатай өңірі - ауылдық округтің солтүстік-шығысындағы алқап. Қаңлы руының бір тармағы "Бақа" деп аталса, "Бақатай" сөзі - "Бақа ата" сөзінің ауыз екі тілде өзгерген түрі.

Сарықойнау алқабы - сол маңдағы қыратты, үстіртті жер.

Сарықайқаң - алыстан сарғайып көрінетін сарыбел.

Құрама даласы - Бақатай, Сарықайқаң алқаптарынан шығысқа қарай созылған алқап. Қаратаудың күнгей беті. Ілгеріде қазақтар ата-ата, ру-ру болып қоныстанса, бұл жерге әр рудың адамдары келіп орныққан екен. Құрама атануы себебі сол.

Майқы сазы - Құрама ауылынан оңтүстікке қарай 1,5 шақырым жерде орналасқан саз. Бұл жерде ілгеріде Майқы есімді елдің құрметіне бөленген кісі тұрған. Елдің діни сауатын ашқан. Мекке-Мәдинеге қажылыққа барып қайтқан. Ол кісі қайтыс болғаннан соң ұрпақтары ұлан асыр ас беріп, ат шаптырған. Содан бұл жер "Майқы сазы" болып аталып қалған.[3]

Дереккөздер өңдеу

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
  2. 2021 жылғы ұлттық халық санағының қорытындылары
  3. Жамбыл облысының топономикалық атауларының анықтамалығы