"Қарасай-Қази" - батырлар жыры.

Жырда ұрпақтан-ұрпаққа жалғасқан ерлік дәстүрі баяндалып, ер Орақтың екі ұлы - Қарасай мен Қазидың қаршадай жас шағында жауға қарсы аттанып, асқан ерлік көрсеткені мадақталады. Ел шетіне жау келгенде халық мүддесін сатып кеткен Исмайыл, Тобаяқ сияқты қорқақтардың ездігі, екіжүзділігі көрсетіледі. Ел мүддесін жеке бастың мақсатынан жоғары ұстау, атаның ерлік дәстүрін ардақтау, ана сүтін ақтау мәселелері уағыздалады. Жырдың толық нұсқасы қолжазба түрінде Әдебиет және өнер институтының Қолжазба және текстология бөлімінде сақтаулы.[1]

Дереккөздер өңдеу

  1. Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6