Қарақат Әбілдина

Қарақат Әбілдина — қазақ дәстүрлі әнін насихаттаушы, халық және эстрада әндерін орындаушы. Нартай Бекежанов мұрасын насихаттаушы және орындаушы. Қазақстанның еңбек сіңірген қайраткері.

Қарақат Әбілдина
Туған күні	7 наурыз 1978 (1978-03-07) (46 жас)
Туған жері	Қарағанды облысы, Жаңаарқа ауданы, Байғұл ауылы
Белсенділік жылдары	2000 - осы уақыт
Мемлекет	Қазақстан
Мамандығы	әнші
Марапаттары	Қазақстанның еңбек сіңірген қайраткері

Өмірбаяны

1978 жылы 7 сәуірде Қарағанды облысы Жаңаарқа ауданы Байғұл ауылында туған.

Құрманғазы атындағы Алматы мемлекеттік консерваториясының «Домбырамен халықтық ән айту» классын педагог, «Дарын» Мемлекеттік сыйлығының лауреаты Сәуле Жанпейісовада; орындау шеберлігі бойынша аспирантураны (2004) педагог, профессор, Қазақстанның Халық әртісі Қайрат Байбосыновта бітірген.

Шығармашылығы

2003 жылдан - «Гүлдер» мемлекеттік ансамблінің жетекші солисі. 2005 жылы "Ару ғұмыр" алғаш жеке шығармашылық концертін берген.

Марапаттары

• «Шабыт» халықаралық конкурсының дипломанты (2001).
• Қазақстанның Жастар одағы сыйлығының лауреаты (2005).
• «Жылдың теңдессіз ұлттық әншісі» номинациясында «Алтын Самұрық» конкурсы I сыйлығының иегері (2006).
• Санкт-Петербург қаласындағы халықаралық балалар байқауына қатысқан (1993),
• Бельгияда жеке концерттік бағдарламасымен өнер көрсеткен (1999), ҚХР (Шанхай, 2004) және Аустриядағы (қазан, 2005) Алматы қаласының Мәдениет күндеріне арналған концерттерге қатысқан.
• 2013 жылы ҚР президентінің қолынан "Қазақстанның еңбек сіңірген қайраткері" құрметті атағын алды.

Отбасы

Тұрмыс құрған. Жұбайы - Қыдырәлі Болманов. Ұлдары - Бекболат, Иманәли, Нұрәли, Айсұлтан.