Қарлығаштың құйрығы неге айыр?

«Қарлығаштың құйрығы неге айыр?» — Қазақстанда шығарылған тұңғыш мультфильм.

Қарлығаштың құйрығы неге айыр?
Қазақ анимациясының 50-жылдығына орай шығарылған төртбұрышты теңгеде
Жанры	Ертегі
Режиссёрі	Әмен Қайдаров
Сценарийдің авторы	Әмен Қайдаров
Рөлді дыбыстағандар	З. Шарипова
Композиторы	Нұрғиса Тілендиев
Мультипликаторлары	Е. Бейсеитов, Г. Дусенко, Б. Калистратов, В. Щукин, Ф. Мұқанов, В. Чугунов, Е. Сұлтанбеков
Операторы	С. Артемов
Студия	Қазақфильм
Тілі	қазақ тілі
Ұзақтығы	9:30
Премьера	1967
IMDb	ID 2977446

Режиссёр мен сценарийші — Әмен Әбжанұлы Қайдаров. Ол Мәскеудегі киноинститутта оқып жатқанда өзінің ең алғашқы мультфильм сценарийін жазды.

1966 жылдың сәуір айында Әмен Қайдаров бастаған топ «Қарлығаштың құйрығы неге айыр?» атты түрлі-түсті графикалық мультфильмді жасауға кірісті. 1967 жылдың тамыз айында ол жарыққа шықты.

Мультфильм желісі қазақ халық ертегісіне негізделген.

Желісі

«Бұлт шалған биік бастарын, таулардың жайлап тастарын айдаһар өмір сүріпті, патша боп көп жыл тұрыпты». Бірақ жылдардан жылдар өтіп, бұл жалмауыз құбыжықтың қайраты қайтады. Оның халін жақсартуға қу түлкі шақырылады, ол ем ретінде қанды қабылдау керек деп ұсынады. Қанды табу масаға тапсырылады. Ол ауылға ұшып келіп, бесіктегі нәрестенің қанын сорады да айдаһардың қамалына қайтпақшы болады. Болған сұмдықты естіп білген қарлығаш масаны іздеп жөнеледі, оның сазайын тартуға бел буады.

Жүлделері

• 1968 жыл — Ленинградта өткен Бүкілодақтық кинофестивалінің премиясы
• 1975 жыл — Нью-Йоркте өткен Халықаралық мультипликациялық фильмдер фестивалінің қола медалі

Пошта маркасында

Сілтемелер

• Мультфильм YouTube сайтында