Қасым қажы мешіті

ҚАСЫМ ҚАЖЫ МЕШІТІ
	ҚАСЫМ ҚАЖЫ МЕШІТІ
	; Қасым қажы мешіті
Ел	Қазақстан
Қала	Павлодарское ауылы
Статусы	Ауылдық мешіт
Ағымы	ханафи мазһабы
МДБ	ҚМДБ
Мешіт түрі	Жұма мешіті
Сәулет стилі	Классикалық ислам
Қайырымгері	Қанат Омаров
Құрылысы	2008
Имамы	Ермек Сыздық; Абылай Амиров
Жалпы ауданы	0,25 га
Көлемі	324,74 м²
Сыйымдылығы	5000 — 10000
Күмбездердің саны	6
Мұнаралар саны	1
Мұнаралардың биіктігі	18.3 м
Медресе	Әбу Бәкір Сыддық медресесі
Сайты	http://www.mazhab.kz
Картада орналасуы
	Қасым қажы мешіті

Қасым қажы мешіті — Павлодар облысы, Павлодар ауданы, Павлодарское ауылында орналасқан мешіт. Мешіт Павлодар-Омбы автожолы мен Павлодарское ауылына кіретін Абай көшесінің қиылысында салынған.^[4] Ғимарат намаз оқитын зал, неке қию бөлмесі, мұнара, қойма және қызмет бөлмелерінен тұрады. Алла үйі шығыс сәулет өнерінің ерекшеліктерімен салынған. Оның кешеніне гараж, санитарлық торап, пеш жағатын бөлме және қызметкерлер бөлмесі кіреді.^[5]

Координаттар: 52°22′47″ с. е. 76°52′32″ ш. б. / 52.379861° с. е. 76.875611° ш. б. / 52.379861; 76.875611 ^(G) ^(O) ^(Я)

Мешіт 8 қыркүйек 2008 жылы облыстағы 87-ші мешіт болып салынды. Ол Павлодарское ауылында өмір сүрген діни ағартушы Қасым Мұстафаұлы Ертісбаевтың (1870-1932) атына оның немересі Қанат Байтенұлы Омаровтың қаржысына салынды.^[6]^[7]

2 наурыз 2021 жылы ҚМДБ тарапынан ел тәуелсіздігінің 30 жылдық мерекесіне орай исламдағы бауырмалдықты нығайту мақсатында күре жол бойында орналасқан Қасым қажы мешітінде сапардағы жамағатқа арналған бөлме ашылып, жабдықталды.^[8]

Қасым қажы мешіті бас имамы Ермек Сыздықтың бастамасымен ай сайын әр түрлі қайырымдылық іс-шараларды өткізіп отырады.^[9]^[10]^[11]^[12]^[13]^[14]

Ауданы

Жалпы жер телімінің аумағы 0,25 га. Ғимарат биіктігі күмбезімен қоса есептегенде 10,08 м, ал мұнарасының биіктігі 18,3 м. Жалпы көлемі 324,74 м². Бірнеше бөлмелерге бөлінген. Ерлердің намаз залы 175,71 м². Әйелдердің намаз залы 28,49 м². Неке қию бөлмесі 61,43 м². Имам бөлмесі 14,33 м². Ғимараттың төменгі қабаты (жертөле) 327,95 м².^[15]

Мешіттің 10 жылдығы

2 қазан 2018 жылы мешіт өз жамағатына есігін ашқанына 10 жыл толуына орай мешіттің имам-молдалары, жамағатының бастамасымен дүбірлеген салтанатты шара өтті. Ауыл жамағаты мен жастар арасына қазақ күресі, шағын футбол, балалар арасына әртүрлі ойындар ұйымдастырылып, ойын батуттары орнатылды. Мешіт ауласына киіз үйлер тігіліп, ауыл ақсақалдарына дастархан жайылса, шара соңында барлық қатысушыларға мерекелік дастархан жайылды. Облыстың бас имамы Жолдас Қоспақұлы шараға арнайы келіп жиналған жамағатқа ғибратты уағыздар айтып, мешіттің демеушілеріне, тұрақты жамағатына алғыс хаттар тапсырды.^[16]

Мешіттің имамы Ермек Сыздық былай деді:

Мерекелік шараға орай осы мешіттің аталуына себепкер болған Қасым қажы Ертісбаевтың өмірдерегі, атқарған іс-қызметтері туралы ауылдағы Жалпы білім беретін орта мектепке арнайы көрнекілік бұрыш ашылып экспонаттар қойылса, мешіт кіреберісіне де Қасым қажының өмірбаяны орнатылды. Сонымен қатар Қасым қажының ұрпақтарының демеушілігімен мешітке ағымдық жөндеулер жүргізіліп, толығымен жаңа кілем төселді. Мешіт асханасына да жөндеу жүргізіліп, жаңадан ыдыс-аяқтармен толықтырылды. Бұл асханадан мешіт жанындағы Әбу Бәкір Сыддық медресесінің шәкірттері үш мезгіл тұрақты тамақтанып тұрады

Дереккөздер

[1] Мечеть "Касым хажи" (Павлодарское)

[2] ИӘ, ШӘҺРИ РАМАЗАН!

[3] ИМАМНЫҢ ОТБАСЫ ЖЕҢІМПАЗ БОЛДЫ

[4] «Қасым қажы» мешіті Мұрағатталған 10 мамырдың 2021 жылы.

[5] "ҚАСЫМ ҚАЖЫ" МЕШІТІ

[6] ПАВЛОДАР ОБЛЫСЫНДА 87-ШІ ЖАҢА МЕШІТІ АШЫЛДЫ

[7] ҚАСЫМ ҚАЖЫ МҰСТАФАҰЛЫ (1870-1932)

[8] ТӨРТ МЕШІТТЕ «ЖОЛАУШЫЛАР ҮЙІ» АШЫЛДЫ

[9] «ҚАСЫМ ҚАЖЫ» МЕШІТІ РАМАЗАН АЙЫ ҚАРСАҢЫНДА

[10] РАМАЗАН АЙЫНЫҢ ЕКІНШІ АПТАСЫНДА

[11] «ҚАСЫМ ҚАЖЫ» МЕШІТІ БАРААТ ТҮНІНДЕ

[12] ҚАРТЫ БАР ҮЙДІҢ ҚАЗЫНАСЫ БАР

[13] ЖАҚСЫЛЫҚҚА ЖАРЫСУ — ӨЗГЕЛЕРГЕ ҮЛГІ!

[14] ЖАРИЯ САДАҚАНЫҢ БІРІ — ҚҰДЫҚ ҚАЗУ

[15] «Қасым қажы» мешіті Мұрағатталған 14 мамырдың 2021 жылы.

[16] Павлодар: «Қасым қажы» мешітіне 10 жыл

[4]

[5]

[1]

[2]

[3]

[6]

[7]

[8]

[9]

[10]

[11]

[12]

[13]

[14]

[15]

[16]