Қатысушы:Дильназ М/зертхана
 | Бұл жеке зертхана беттіңізде мақала өңдеп үйрену үшін жазғандарыңызды сынап көріңіз. Бұл бетті 2021-03-15, 18:28 кезінде (3 жыл бұрын) Дильназ М (журналы | үлесі) соңғы рет өңдеді. |
Плаутилла Бриччи - (итал. Plautilla Bricci; 13 тамыз 1616, Рим — 13 желтоқсан 1705, Рим) — итальяндық суретші және итальяндық Ренессанс сәулетшісі. Ол әлемдегі алғашқы әйел сәулетшілерінің бірі болып саналады.[1]
| Плаутилла Бриччи | |
| итал. Plautilla Bricci | |
| Туған күні | |
|---|---|
| Туған жері |
Рим, Папская облысы |
| Қайтыс болған күні |
13 желтоқсан 1705 (89 жас) |
| Қайтыс болған жері |
Трастевере, Рим, Папская облысы |
| Қызметі |
Сәулетші, суретші |
Өмірбаяны
өңдеуПлаутилла Бриччи 1616 жылы 13 тамызда Римде дүниеге келген. Оның білімі туралы мәлімет жоқ, бірақ Плаутилланың әкесі, Джованни Бриччи, көркемдік топтарға жақын екендігі туралы мәлімет сақталған.
Алғашында Плаутилла суретші болған. Оның алғашқы еңбегі - Санта-Мария-ин-Монтесанто шіркеуіндегі "Мадонна мен Бала" суреті.
1661 жылы кардинал Джулио Мазарини қайтыс болғанда, Плаутилла оның хатшысынан (Бенедетти) кардиналдың құлпытасына жоспар дайындауға рұқсат сұрады. Турин ұлттық кітапханасында оның бейнесі бар кітап сақталған.
Плаутилла Бриччи ағасы Базилиомен бірге аббат Эльпидио Бенедеттиге жасаған екі сәулет туындысымен танымал. Оның алғашқы жобасы-Римдегі Сент-Панкрат қақпасының жанындағы Вилла Бенедетти (Қазіргі Вилла дель Вашелло). Вилланың құрылысы 1663 жылы басталып, 1665 жылы аяқталған. Ағасы Плаутилла ғимараттың безендірілуіне ғана көмектескенін мәлімдеген. Алайда, сақталған құжаттарда (эскиздер, келісімшарттар) Плаутилла жобаның жалғыз сәулетшісі болғаны дәлелденген. Бенедетти сәулетші ретінде әйелді жалдағанын ашық мойындағысы келмесе де, Плаутилланың жұмысына риза болған. [2] А.В. Ипполитов бұл жұмысты былай сиппатаған: "Ғимараттың ерекшелігі соншалықты, оны алғаш рет көргенде, бұл сәулет- ар нуво стилінің және Эктор Гимар талғамының жиынтығы екендігіне толық сенімді боласыз". [3]
Плаутилланың тағы бір маңызды жобасы - Сан-Луиджи-де-Франсзи шіркеуіндегі Людовик капелласы. Людовик капелласы (сол жақтағы үшінші) - ғибадатханадағы ең әдемі безендірілген құрылым. Плаутилла Бриччи сонымен қатар Сент-Луис бейнеленген құрбандық үстелінің суретін де салған. Алайда, бұл жұмыстың дәстүрлі стилі суретшінің сәулет саласындағы стилімен аз байланысты.
Сан-Луиджи-Де-Франсзинің әсем сәулеті басқа римдік шіркеулерден әлдеқайда ерекшеленеді деп айтуға болмайды, бірақ әйел сәулетшінің жобаға қатысуы заманауи авангард болған.
Кейбір мәліметтер бойынша, 1656 - 1658 жылдар аралығында Плаутилла ғалым және меценат Кассиано даль Поццо ұйымдастырған интеллектуалды жиынға қосылуы мүмкін еді. Қырық жыл бойы Кассиано суретшілерден қалған ежелгі римдік және христиандық жәдігерлердің эскиздерін жинады.
Бриччи Сент-Луки академиясының мүшесі болған, бірақ оның Академия мүшелігіне қабылданған күні белгісіз. 1677 жылы аббат Бенедетти өзі салған үйді Бриччиге өмір бойы пайдалануға берді. Кейбір зерттеушілердің айтуынша, өмірінің соңында Плаутилла монастырлық тоналды қабылдады, бірақ бұл туралы құжаттық дәлелдер жоқ.
Плаутилла Бриччи 1705 жылы 13 желтоқсанда Римде қайтыс болды. [4]
Әдебиет
өңдеу1. Carla Benocci. Villa Il Vascello. — Erasmo Edizioni, 2012.
2. Consuelo Lollobrigida. Plautilla Bricci: Pictura et Architectura Celebris. L'architettrice del Barocco Romano. — Milano: Gangemi editore, 2017. — 191 p.