Уикипедия

Қатысушы:SevenX2/зертхана

Усманов Расул Халмуратович

өңдеу
 
Усманов Расул Халмуратович, 2020 год
Имя при рождении Усманов Расул Халмуратович
Дата рождения 27 ақпан 1994 (30 жас)
Место рождения * Алматы, Қазақстан
Гражданство * Қазақстан Республикасы
Профессия актёр, режиссер, әнші
Карьера 2015 — н. в.

Расул Халмуратович Усманов (27 ақпан 1994 Алматы) – қазақстандық актер, режиссер, әнші. Әкесі - Халмурат Усманов, театр суретшісі болған. Анасы - Гульбахар Насирова, Мемлекеттік Құдыс Қожамьяров атындағы ұйғыр музыкалық комедия театры белді актрисасы, әдебиет бөлімінің басшысы қызметін атқарған, "Мәдениет саласының үздігі", "Құрмет" (2024 ж.) орденінің иегері. 2011 жылы А.Розыбақиев атындағы №153 көп-салалы гимназия мектебін бітіргеннен кейін, Т.Жүргенов атындағы Қазақ Ұлттық Өнер академиясына қабылданды. 2011-2015 ж.ж. Т.Жүргенов атындағы Қазақ ұлттық өнер академиясының «Музыкалық театр әртісі» мамандығы бойынша жоғарғы білім алды. 2016-2018 ж.ж. Қазақ Ұлттық Өнер Университетінің магистратура бөлімінде «Режиссура» мамандығы бойынша білімін жетілдіріп, 2018 жылы өнертану ғылымдарының магистрі дәрежесіне ие болды. Ұйғыр, қазақ, орыс, ағылшын тілдерін біледі.

Шығармашылық

өңдеу

2015 жылы Жамбыл атындағы қазақ драма театрынан артист лауазымынан бастады. Бір жыл ішінде театр сахнасында «Қазақ хандығы» қойылымында – Шах-Бұдах, «Аманат» қойылымында – Нұржан, «Қара шекпен»  қойылымында – Көкжал және т.б. кейіпкерлердің образдарын сомдады.

2016 жылдан бастап «Қазақконцерт» мемлекеттік концерттік ұйымының «Astana musical» мемлекеттік театрының артисі ретінде еңбек етті. «Astana musical» мемлекеттік театрында «Достар серті» мюзиклінде – Бекен, «Мюзикл әлеміне саяхат» мюзиклінде – Остап Бендер, «Ер Төстік» мюзиклінде – Обыр, атақты «Ромео – Джульетта» мюзиклінде – Тибальт, «Қыз-Жібек» мюзиклінде – Бекежан бейнелері арқылы елорда тұрғындарының көзайымына айналды. 2017 жылы «Astana Musical» театры гастрольдік сапармен «Қыз-Жібек» мюзиклін – Франция (Париж, Канн, Авеньон), Австрия (Вена),  Бельгия (Брюссель), Россия (Москва) мемлекеттерінің ең үлкен театрларында шет елдік көрермен назарына ұсынды.

2018 жылы Қазақстан Республикасы Мәдениет және спорт министрлігі Ұлы Дала Астанасының 20 жылдық мерейтойы аясында әлемге әйгілі «Notre Dame de Paris» мюзиклінің қазақ тілінде сахналауы үшін республикалық кастинг жарияланды. Расул Усманов сол кастингте Клопен бейнесіне іріктеуден өтіп, кейіннен Клопен кейіпкеріне бекітілген болатын. Және тікелей мюзикл авторы Риккардо Коччанте мен мюзикл режиссері Роберт Маринмен бірлесе жұмыс жасады. Мюзикл премьерасы 2018 жылдың желтоқсан айында өтті.

2019 жылы Т.Жүргенов атындағы Қазақ ұлттық өнер академиясының «Театр режиссурасы» мамандығы бойынша докторантураға оқуға түсіп, сол жылы Қазақстан театрлар Ассоциациясының ұйымдастыруымен өткен «Сахнагер» Ұлттық театр сыйлығының «Үміт» номинациясы бойынша лауреат атанды.

2019 жылы Ресейдің Санкт-Петербург қаласындағы Мемлекеттік музыкалық комедия театрында «Мисс Сайгон» атты мюзиклге халықаралық кастинг [1]жариялады. Кастинг қорытындысы[2] бойынша Расул Усманов – Туи[3] атты басты кейіпкерлердің біріне бекітілді. Мюзиклдің либретто авторлары: Клод-Мишель Шонберг, Ален Бублиль, ал режиссері «Золотая маска» театр сыйлығының иегері – Корнелиус Балтус[4] (Нидерландия). Мюзикл премьерасы 2020 жылдың желтоқсан айында өтті. Сонымен қатар, 2021 жылы «Хиты Бродвея» атты мюзикл концертінде – Аладдин, Величайший Шоумен, Иисус Христос Супер звезда секілді әлемдік мюзиклдардан үзінді орындады.  

2020 жылдан бері Астана қаласы әкімдігінің Музыкалық жас көрермен театрында қызмет атқарып келеді. Және сол театр сахнасында М.Әуезовтің «Абай-Тоғжан» музыкалық драмасында – Құнанбай, М.Омарованың «Шанель №5» деректі драмасында – Жұмат Шанин, С.Беккеттің «Годо» психологиялық абсурд қойылымында – Поццо, Ғ.Мүсірепов, Е.Брусиловский «Қыз Жібек» мюзиклінде – Бекежан және т.б., рөлдерді сомдады.

Расул Усманов уақыт өте келе, актерлік өнермен бірге режиссерлік жұмыспен де белсене айналыса бастады. Соның бірі әрі бірегейі 2021 жылы Е.Шварцтың «Күлше қыз» музыкалық ертегісін Музыкалық жас көрермен театрында екі тілде сахналап, көрермен назарына ұсынды. Театр сахнасынан бөлек, өзінің іскерлік қырлары арқылы театр өркениеті мен мәдениетіміздің дамуына атсалысып келе жатыр.

2017-2024 жж. аралығында Расул Усманов өз білімін жетілдіру мақсатында Европаның Франция (Париж, Авиньон), Германия (Кельн), Грузия (Тбилиси), Ресейдің (Москва, Санкт-Петербург) қалаларында тәжірибеден өтті. Және 2019 жылдан бері Қазақ Ұлттық Өнер университетінде  «Музыкалық театр әртісі» мамандығы бойынша дәріс беріп, шәкірт тәрбиелеуде.

Театрдегі рольдері

өңдеу

Шығыс Қазақстан облыстық драма театры (Өскемен қаласы)

  • 2015 — «Қазақ хандығы» — Шах Бұдах
  • 2015 — «Аманат» — М.Туманов — Нұржан
  • 2016 — «Қара шекпен» Г.Хугаев — Көкжал

"Astana Musical" мемлекеттік театры

  • 2016 — «Достар серті» Ә.Бағдат — Бекен
  • 2016 — «Мюзикл әлеміне саяхат» — Остап Бендер
  • 2016 — «Ер Төстік» Ә.Бағдат — Обыр
  • 2017 — «Ромео – Джульетта» Ж.Пресгюрвик — Тибальт
  • 2017 — «Қыз-Жібек» Ғ.Мүсірепов, Е.Брусиловский — Бекежан
  • 2018 — «Notre Dame de Paris» Л.Пламондон, Р.Коччанте — Клопен

Санкт-Петербург қаласының Мемлекеттік музыкалық комедия театры

  • 2019 — «Мисс Сайгон» А.Бублил, Клон-Мишель Шонберг — Туи
  • 2020 — «Хиты Бродвея» — Величайший Шоумен
  • 2021 — «Хиты Бродвея» — Аладдин
  • 2021 — «Хиты Бродвея» — Иисус Христос Супер звезда

Астана қаласының "Музыкалық жас көрермен театры"

  • 2020 — «Абай Тоғжан» М.Әуезов — Құнанбай
  • 2021 — «Шанель №5» М.Омарова — Жұмат Шанин
  • 2022 — «Годо» С.Беккет — Поццо
  • 2023 — «Қыз Жібек» Ғ.Мүсірепов, Е.Брусиловский — Бекежан

Жетістіктері

өңдеу
  • 2019 жылы Қазақстан театрлар Ассоциациясының ұйымдастыруымен өткен «Сахнагер» Ұлттық театр сыйлығының «Үміт» номинациясы бойынша лауреат атанды.

2023 жылдан бастап бүгінгі күнге дейін Астана қаласындағы А.Құнанбайұлы атындағы №87 мектеп-гимназиядағы «A.Q.» театрының көркемдік жетекшісі болып қызмет атқарады.

  • XVI «SHATTYQ-2023» қалалық талантты балалар байқауында «Театр» жанры бойынша «Алтын жүлде» иегері атанды. 2023 ж
  • «Театрдың ғажайып әлемі» атты театрландырылған балалар байқауының «Бас жүлде» иегері атанды. 2023 ж
  • «Театрдың ғажайып әлемі» театр өнерінің республикалық фестиваль – байқауының «Көркем сөз» номинациясы бойынша жеңімпазы атанды. 2023 ж
  • XVI «SHATTYQ-2024» қалалық талантты балалар байқауында «Театр» жанры бойынша «Алтын жүлде» иегері атанды. 2024 ж
  • Сыбайлас жемқорлыққа қарсы мәдениетті қалыптастыру және парасаттылық құндылықтарын ілгерілету мақсатында өткен «Адал ұрпақ» слетінде «II орын» иегері атанды.

«A.Q.» театры арқылы А.Құнанбайұлы атындағы №87 мектеп-гимназиясының оқушыларымен бірге мәдениеттіміздің өркендеуіне атсалып келеді.

2024 жылдан бастап қосымша Ы.Алтынсарин атындағы BINOM SCHOOL мектеп-лицейінде театр режиссері болып қызмет атқарды.

  • «BINOM SCHOOL» мектеп желісі арасында ұйымдастырылған «B-FEST» фестивалі аясындағы «Театрландырылған қойылым. Мюзикл» бағытында «Үздік режиссер» номинациясының иегері атанды. 2024ж
  • «BINOM SCHOOL» мектеп желісі арасында ұйымдастырылған «B-FEST» фестивалі аясындағы «Театрландырылған қойылым. Мюзикл» бағытында шәкірті Шекенов Темірлан «Notre Dame de Paris» Квазимодо рөлі үшін «Үздік ер адам бейнесі» номинациясының иегері атанды.
  • «BINOM SCHOOL» мектеп желісі арасында ұйымдастырылған «B-FEST» фестивалі аясындағы «Театрландырылған қойылым. Мюзикл» бағытында «Notre Dame de Paris» қойылымы «Бірінші орын» иегері атанды.

Сонымен қатар, Расул Усманов 2017 жылдан бастап бүгінгі күнге дейін әлемге танымал әнші Димаш Құдайберген мен Халықаралық ареналарда бэк-вокалисті ретінде өнер көрсетіп келеді.


  1. ↑ https://teatron-journal.ru/2019/01/30/news-muzkomedia-casting-saigon/
  2. ↑ https://www.kp.ru/afisha/spb/spektakli/myuzikl-miss-sajgon-v-teatre-muzykalnoj-komedii/
  3. ↑ https://www.afisha.ru/people/rasul-usmanov-749706/
  4. ↑ https://www.operabase.com/cornelius-baltus-a2112355/ru
«https://kk.wikipedia.org/w/index.php?title=Қатысушы:SevenX2/зертхана&oldid=3401105» бетінен алынған