Қойтас (тау, Тарбағатай жотасы)

	Қойтас тауы
Сипаттамасы
Пайда болған кезеңі	Карбон кезеңі, Девон кезеңі
Ұзындығы	18 км
Ені	8 км
Биіктігі	2583 м
Орналасуы
	47°14′41″ с. е. 82°16′52″ ш. б. / 47.24472° с. е. 82.28111° ш. б. (G) (O) (Я)Координаттар: 47°14′41″ с. е. 82°16′52″ ш. б. / 47.24472° с. е. 82.28111° ш. б. (G) (O) (Я) (T)
Елдер	Қазақстан, Шығыс Қазақстан облысы, Абай облысы
	Қойтас тауы

Қойтас – Тарбағатай жотасының батыс бөлігіндегі тау массиві.

Басқа мағыналар үшін Қойтас (айрық) деген бетті қараңыз.

Географиялық орны

Шығыс Қазақстан облысы Тарбағатай ауданы мен Абай облысы Үржар ауданы шекарасында орналасқан.

Жер бедері

Абсолюттік биіктігі 2583 м. Солтүстік-батыстан оңтүстік-шығысқа қарай 18 км-ге созылып жатыр, енді жері 7-8 км-ге жуық. Беткейлері шатқал, сай аңғарларымен тілімделген. Оңтүстік беткейі тік жарқабақты, кейбір бөліктерінде таудың түпкі жыныстары жалаңашталған.

Геологиялық құрылымы

Тас көмір, девон кезеңдерінің жыныстарынан түзілген.

Өсімдігі

Таудың қызғылт қоңыр топырағында боз, бетегелі-жусанды дала өсімдіктерімен бірге, биіктік белдеулерде зерек, итмұрын, қараған, тал, көк терек, т.б. өседі.^[1]

Дереккөздер

↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5

[1] Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5

[1]