Қусақ (Солтүстік Балқаш алабындағы өзен)
Басқа мағыналар үшін Қусақ деген бетті қараңыз.Қусақ, Сегізауыл – Солтүстік Балқаш алабындағы өзен. Ұзындығы 184 км, су жиналатын алабы 10,8 мың км2.
| Қусақ | |
|---|---|
| Сипаттамасы | |
| Ұзындығы | 184 км |
| Өзендердің су алабы |
10,8 мың |
| Су ағысы | |
| Бастауы | Көкшетау тауларындағы қайнарлар |
| Сағасы | Қотанбұлақ тауларының батысындағы Ортақора қыстауының солтүстігі |
| • Координаттары | 47°48′52″ с. е. 75°44′11″ ш. б. / 47.81444° с. е. 75.73639° ш. б. (G) (O) (Я)Координаттар: 47°48′52″ с. е. 75°44′11″ ш. б. / 47.81444° с. е. 75.73639° ш. б. (G) (O) (Я) |
| Орналасуы | |
| Ел | Қазақстан |
| Аймақ | Қарағанды облысы Ақтоғай ауданы |
Географиялық орны, бастауы
өңдеуҚарағанды облысы Ақтоғай ауданының жерімен ағады.
Бастауы
өңдеуБастауын Абай облысы Семей қалалық әкімдігі аумағына қарасты Қайнар ауылының оңтүстік-батысындағы Көкшетау тауларындағы қайнарлардан алып, Қотанбұлақ тауларының батысындағы Ортақора қыстауының солтүстігінде жерге сіңіп кетеді.
Гидрологиясы
өңдеуКөктемде 10-15 күндей ағыны болады. Жоғарғы ағысы тау шатқалымен ағады, Ошан қонысында аңғары кеңейіп сайлы-жыралы жермен өтеді. Татан ауылы маңында арнасы мен алабы қайтадан тарылады (осы жерден бастап өзен Қусақ деп аталады). Одан кейінгі арнасы 2,5-5 км-ге кеңейіп, алабы ауқымды болып келдеді. Молақ қыстауы және Қошқар ауылы аралығында ағысы үзіліп, жерге сіңіп кетеді. Қошқар тауларынан бастап арнасы пайда болады. Жаз айларында ағысы болмайды. Негізінен көктемегі қар, жауын-шашын және жер асты суларымен толығады. Татан ауылына дейінгі суы тұщы, Қошқар ауылына дейін ашқылтым, одна төменде тұзды болып келеді.
Салалары
өңдеуЖалпы ұзындығы 90 км болатын 30-ға жуық салалары бар. Ірілері: Қаражан, Құрөзек, Көккөз, Мергенбай, Көкиірім, Иіреу, т.б.[1]
Дереккөздер
өңдеу- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5