Қызылоба (тау)
Қызылоба – Шыңғыстау жотасының батыс бөлігіндегі тау сілемі.
| Қызылоба тауы | |
| Сипаттамасы | |
|---|---|
| Тау жүйесі |
Шыңғыстау жотасы |
| Пайда болған кезеңі | |
| Ұзындығы |
16 км |
| Ені |
6 км |
| Биіктігі |
1064 м |
| Орналасуы | |
|
48°39′41″ с. е. 78°59′52″ ш. б. / 48.66139° с. е. 78.99778° ш. б. (G) (O) (Я)Координаттар: 48°39′41″ с. е. 78°59′52″ ш. б. / 48.66139° с. е. 78.99778° ш. б. (G) (O) (Я) | |
| Елдер | |
|
| |
|
| |
Басқа мағыналар үшін Қызылоба деген бетті қараңыз.Географиялық орны
өңдеуАбай облысы Абай ауданы Жүрекадыр ауылының солтүстік-батысында 50 км жерде орналасқан. Абсолюттік биіктігі 1064 м, салыстырмалы биіктігі 50-60 м. Солтүстік-батыстан оңтүстік-шығысқа қарай 16 км-ге созылған, енді жері 6 км.
Жер бедері
өңдеуТау аңғарларымен, өзен, сай жыралармен тілімденген. Беткейлері тік жарқабақты, қырқалы келген тізбектелген жоталардан тұрады. Солтүстігінен Қарасу, оңтүстігінен Байқошқар, Бақанас өзендері тау бұлақтарынан бастау алады. Оңтүстік-шығысында Қарақшы, оңтүстік-батысында Ақдомбақ таулары бар.
Геологиялық құрылымы
өңдеуТөменгі және орта палеоген кезеңінің жанартаутекті шөгінділерінен, құмтас, тақтатас, конгломерат, т.б. жыныстардан түзілген. Етегінде қорымтастардың үйінділері көптеп кездеседі.
Өсімдігі
өңдеуБаурайында тобылғы, қараған, аңғарында тал, терек, қайың, шалғын өседі.[1]
Дереккөздер
өңдеу- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5