Қышқылдық бояу

Қышқылдық бояу - құрамында тұз түзуші қышқыл топтары (SO₃H, COOH) бар, суда еритін органикалық бояғыш зат.

Қышқылдық бояулар

Ол көбінесе антрахинон және азобояғыштар түрінде болады. Молекулаларының ерекшеліктеріне қарай қышқылдық бояудың целлюлоза (мақта, вискоза, т.б.), ақуыз (жүн, жібек) және полиамид талшықтарын бояйтын түрлері бар.

Қолданылуы

Қышқылдық бояу жүн, табиғи жібек, былғары, қағаз, ағашты т.б. бояуда кең қолданылады.