Құрылтай жиналысы

Құрылтай жиналысы - 1917 жылы Ресейде сайлау құқығы негізінде басқару түрі мен конституция жасау үшін ұйымдастырылған құрылым. Мұны сол кездегі саяси ағымдар мен партиялардың көпшілігі қолдаған. Құрылтай жиналысының сайлауы 1917 жылдың қараша айынан бастап 1918 жылдың басына дейін жалғасты. Құрылтай жиналысының Ресейдегі рөлін түсіне отырып, Алаш жетекшілері Бірінші жалпықазақ сьезінде Құрылтай жиналысына дайындықты және оған депутаттар сайлау мәселесін жеке мәселе ретінде көтерді. Осы жылдың қазан айында «Алаш» партиясы атынан Құрылтай жиналысына Торғай, Ақмола, Семей, Орал, Жетісу облыстарынан және Бөкей ордасынан бірнеше тізім бойынша депутаттар сайланды. Олардың арасында Алаштың барлық дерлік қайраткерлері болды.