Үйеңкі жапырағы
Үйеңкі жапырағы (ағылш. Maple leaf, фр. Feuille d'érable) — үйеңкі ағашының жапырағы. Канаданың ұлттық рәміздерінің бірі.[1]
.png)
Канада рәмізі
өңдеу1700-ші жылдардың басында үйеңкі жапырағы эмблема ретінде Әулие Лаврентий өзенінің бойында француз канадалықтармен қабылданған.[2]
1834 жылы Сен-Жан-Батист қоғамының жиналысында үйеңкі жапырағы қоғамды бейнелеу үшін ұсынылған көптеген эмблемалардың бірі болды, сол кезде оның француз канадалықтардың арасында танымалдығы арта түсті.[3] Сол кезде үйеңкі жапырағының пайдасына қарай Монреаль қаласының алғашқы әкімі (мэрі) Жак Виже үйеңкіні "біздің орманымыздың патшасы; ... канадалықтардың символы" деп сипаттады.
.svg)
.svg)
Үйеңкі жапырағы біртіндеп ұлттық рәмізге айналды: 1868 жылы ол Онтарио мен Квебек елтаңбаларында бейнеленді, ал 1921 жылы Канада елтаңбасына да қосылды. Тарихи тұрғыдан алтын үйеңкі жапырақ Онтарионы, ал жасыл үйеңкі жапырақ Квебекті бейнелеген.[4] 1867 жылы Александр Мюр патриоттық "Үйеңкі жапырағы мәңгіге» шығармасын жасады, ол ағылшын тілді Канаданың ресми емес әнұранға айналды.[5]
Үйеңкі жапырағы 1965 жылы Канада туының енгізілуімен ұлттық символға айналды және туда қандай да бір үйеңкінің түріне жатпайтын, тегістелген, он бір қырлы үйеңкі жапырағы қолданылады.
Дереккөздер
өңдеу- ↑ Unofficial symbols of Canada. Канада Мұраларының Департаменті.
- ↑ National Symbols
- ↑ Ceremonial and Canadian Symbols Promotion page for Maple Leaf Мұрағатталған 24 қарашаның 2010 жылы.
- ↑ Shield of Arms Мұрағатталған 7 желтоқсанның 2009 жылы.
- ↑ Mike Strobel Should we drop O Canada and revert to Maple Leaf Forever? (en-CA). Тексерілді, 13 қазан 2020.
Сыртқы сілтемелер
өңдеу| Ортаққорда бұған қатысты медиа санаты бар: Acer (leaves) |