Әулие Лаврентий өзені
Әулие Лаврентий өзені (Saіnt Lawrence Rіver) — Солтүстік Америка құрлығындағы, Канада мен АҚШ елдері аралығы арқылы ағатын өзен. Ұлы көлдер жүйесінен бастау алып, Әулие Лаврентий бұғазына құяды. Ұзындығы 1200 км, Ұлы көлдер жүйесімен қоса есептегенде ұзындығы 3350 км болады. Квебек қаласынан бастап ұзындығы 400 км, ені 50 км болатын эстуарий (теңізге қарай кеңитін, бір тармақты терең атырау) құрайды. Алабының ауданы 1290 мың км². Негізгі салалары — Оттава, Ришелье өзендері. Жылдық орташа ағыны 14 мың м3/с. Желтоқсан — сәуір айларында мұз құрсауында жатады. Әулие Лаврентий өзені — АҚШ пен Канаданың ішкі аудандарын Атлант мұхитымен жалғастыратын өте маңызды су жолы. Онтарио көлінен Монреаль қаласының аралығындағы бөлігінде бірнеше гидроторапты каскадтар салынған. өзен бойындағы негізгі қалалар мен порттар: Кингстон, Корнуолл, Монреаль, Квебек. өзен суы өнеркәсіп қалдықтарымен ластанған.[1]
| Әулие Лаврентий өзені | |
|---|---|
 Әулие Лаврентий өзені | |
| Сипаттамасы | |
| Ұзындығы | 1200 км |
| Су алабының ауданы |
3350 км² |
| Су ағысы | |
| Бастауы | Онтарио |
| • Биіктігі | 250 м |
| • Координаттары | 44°11′06″ с. е. 76°33′03″ ш. б. / 44.18500° с. е. 76.55083° ш. б. (G) (O) (Я) |
| Сағасы | Әулие Лаврентий бұғазы |
| • Координаттары | 48°02′16″ с. е. 69°34′27″ ш. б. / 48.03778° с. е. 69.57417° ш. б. (G) (O) (Я)Координаттар: 48°02′16″ с. е. 69°34′27″ ш. б. / 48.03778° с. е. 69.57417° ш. б. (G) (O) (Я) |
| Орналасуы | |
| Ел | Канада, АҚШ |
| Аймақ | Солтүстік Америка |
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |