Үлгі:Басты бет/Жаңалықтар/2012

2012 жылғы оқиғалар

Желтоқсан оқиғалары

26 желтоқсан — Қытайда Пекин мен Гуанчжоу қалаларын жалғайтын жоғары жылдамдықты темір жолы ресми түрде ашылды. Бұл қазіргі уақыттағы әлемдегі ең ұзын жоғары жылдамдықтағы темір жол магистралі.
25 желтоқсан — Оңтүстік Қазақстан облысы Шымкент қаласының маңында Қазақстан Ұлттық қауіпсіздік комитетінің шекара қызметіне тиесілі Ан-72 ұшағы құлап түсті. Ұшақ бортында болған барлық 27 адам қаза тапты.
24 желтоқсан — «Қазақстан» телеарнасы Қазмедиа орталығынан хабар тарата бастады.
14 желтоқсан — Сэнди Хук бастауыш мектебіндегі атыс нәтижесінде 27 адам көз жұмды, оның ішінде 20 бала.
14 желтоқсан — Астана қаласындағы «Қазмедиа орталығы» Азия-Тынық мұхит хабар тарату одағының (The Asia-Pacific Broadcasting Union, ABU) мүшесі болды
1 желтоқсан — Қазақстанда алғаш рет Тұңғыш Президенті күнін мерекелік мейрам ретінде атап өтті.

Қараша оқиғалары

22 қараша — Астана EXPO-2017 көрмесінің иесі атанды. 161 елдің жасырын дауыс беру қорытындысы EXPO-2017 көрмесі өтетін қаланы анықтады. Астана үшін ХКБ-ның 103 мүше-мелмекеті дауыс берген, ал белгиялық Льеж қаласы 44 дауыс жинады.
7 қараша — АҚШ президенті Барак Обама таңдаушылардың 274 дауысын жинап, жеңіске жетті, осылайша сайлауда ұтып екінші мерзімге президенттік креслосында қала береді.
1 қараша — 2012 жылы Феликс Штурмды жеңген аустралиялық Дэвид Гил міндетті түрде осы жыл аяғына дейін өз белбеуін Геннадийге қарсы қорғауға шақырғанымен, Гил басқа өз отандасымен жекпе жекке шығуға шешкен. Осының нәтижесінде WBA Генаға Гилдің титулын тартып алып берді, яғни Гена - суперчемпион атанды.

Қазан оқиғалары

8 қазан — Швецияда 2012 жылғы Нобель сыйлығының медицина және физиологиядан лауреаттары аталды, олар — британдық биолог Джон Гердон және жапондық ғалым Синя Яманака.

Қыркүйек оқиғалары

12 қыркүйек — Қазақстанның екі жоғарғы оқу орындары әлемнің үздік 400 Университеттері тізіміне алғашқы рет енді, олар - Әл-Фараби атындағы Қазақ ұлттық университеті және Еуразия ұлттық университеті
12 қыркүйек — Стамбұл қаласында шахматтан олимпиада ойындары аяқталды.
1 қыркүйек — Қазақстан эфирінде «24KZ» сандық телеарнасы ашылды. «24.kz» — Қазақстанда 600 шалғай ауылын қоса алғанда тәулік бойы көрсетілетін, тек отандық өндірістің телеөнімдерін көрсететін республикадағы алғашқы телеарна.

Тамыз оқиғалары

27 тамыз — 11 жыл өткеннен кейін марқұм қазақ велошабандозы Андрей Кивилев Тур де Франс-2001 қола жүлдегері атанды.
25 тамыз — Нил Армстронг, айға алғаш аяғын басқан адам, АҚШ ғарышкері дүниеден озды.

24 тамыз — Велошабандоздықты 2011 жылы аяқтаған, Тур де Франста жеті мәрте жеңімпаз атанып, сонымен қатар Сидней Олимпиадасында қола жүлдені алған Лэнс Армстронг өмір бойына дисквалификацияланып, атақтарының бәрінен айырылатын болды, Америка антидопинг агенттігі оның тыйым салынған дәрілерді қолданғанын анықтады.
12 тамыз — Ұлыбритания астанасы Лондонда болған Жазғы XXX Олимпиада ойындары ресми түрде аяқталды. Бұл Қазақстан үшін ең сәтті Олимпиада болды — бұрын соңды болмаған 7 алтынмен әлем бойынша жалпы есепте 12 орын алды, сонымен қоса жасы 39-ға ауған ардагер спортшы Вино беліндегі пластикпен жүріп алтын алса, ауыр атлеттердің төртеуі де Олимпиада және Әлем рекордтарымен ұтса, боксшы Серік ең үздік боксшы деп танылды.

12 тамыз — Серік Сәпиев бокстан 69 кг салмақ дәрежесінде Лондон Олимпиадасында ұлыбритандық Фредди Эвансты жеңіп, Қазақстан қоржынына жетінші алтынды салды. Сонымен қатар үздік боксшы танылып Серік Вэл Баркер кубогын иеленді.

4 тамыз — 24 жасар ауыр атлет Илья Ильин Лондон Олимпиадасында жұлқа көтеруден 233 кг көтеріп Олимпиада рекордын жаңартып ‎Қазақстан үшін бесінші алтын ұтты. Осы нәтижесімен Олимпиаданың екі дүркін чемпионы, үшінші рет Әлем чемпионы, Азия ойындарының екі дүркін чемпионы, Азияда рекордшысы (AR) (226 кг), Әлем рекордшысы (WR) (233 кг), Олимпиада рекордшысы (OR).
1 тамыз — Лондон Олимпиадасында бадминтоннан жаңа формат өз кемшілігін көрсетті: төрт жұп спорттық рух пен жарыс әдебін бұзды деген себеппен Олимпиададан аластатылды: олар — екі Корея республикасы жұбы, Қытай және Индонезия жұптары.

Шілде оқиғалары

31 шілде — ауыр атлет Майя Манеза 63 кг салмақ дәрежесінде Лондонда Олимпиада рекордын жаңартып ‎Қазақстан үшін үшінші алтын ұтты.
29 шілде — жақында ғана 19-ға толған ауыр атлет Зүлфия Салахарқызы Чиншанло Олимпиада рекордын жаңартып ‎Қазақстан үшін Лонданда екінші алтын ұтты;

28 шілде — 38 жасар Қазақстан велошабандозы Александр Винокуров 2012 жылғы Лондондағы Жазғы Олимпиада ойындарының чемпионы атанды. Ол британдық Марк Кавендиш фаворит есептелген топтық шоссе бәйгесінде ешкім күтпеген жерде Қазақстанға алғашқы алтын ұтып алып берді.
27 шілде — Ұлыбритания уақыты бойынша кешкі BST (UTC+1) 21:00 сағатта Лондондағы «Стратфорд» стадионында Жазғы XXX Олимпиада ойындарының ашылу салтанаты өтті. Көрініс «Ғажайып аралдары» (ағылш. Isles of Wonder) деп аталды. Олимпиада стадионына жиналған 80 мың көрермен «Олимпиада ашылуын» тамашалады. Салтанатқа Қазақстан президені Н.Назарбаев қатысты.
26 шілде — Бүгіннен бастап Қазақстан азаматтары Гонконгқа 14 күнге шейін визасыз бару құқығына ие болды. Сол сияқты Гонконг тұрғындары да осындай мерзімге Қазақстанға визасыз келуге мүмкіндік алды.
1 шілде — Испанияның Ұлттық футбол құрама командасы Еуропа чемпионатында (ЕУРО 2012) Италия құрамасын 4:0 есебімен жеңіп, Еуропаның 3 дүркін чемпионы атанды.

Маусым оқиғалары

3 маусым — Жартылай ауыр салмақтағы WBA және IBA тұжырымы бойынша әлем чемпионы Бейбіт Шөменов (13-1-0, 8 КО) мексикалық Энрике Орнеласоны (33-8-0, 21 КО) жеңіп, өз атағын корғап қалды. Кездесу түн ауа Лас Вегас қаласындағы Hard Rock Hotel & Casino қонақ үйінде өтті. Кездесу толық 12 раундқа созылды. Шаршы алаңдағы айқастан соң төрешілердің барлығы бірауыздан 120–108 есебімен Бейбіт жеңіске жетті деп шешкен.

Мамыр оқиғалары

31 мамыр — Алматы облысында Қазақстан шекарасында ғимарат ішінде өртенген 12 шекарашы және бір қорықшы мәйіттері табылған. Ғимарат сыртында 100 м жерден 13-ші шекарашы мәйіті табылған

2 мамыр — Өскеменде 2012 жылы 2 маусымда спортшы, әрі бапкер Борис Александровқа ескерткіш қойылды.
26 мамыр — Швециялық әнші Лорин (суретте), өзінің Эйфория әнімен Еуровидение ән байқауында жеңіске жетті.
22 мамыр — Жапонияның астанасында әлемдегі ең биік «Tokyo Skytree» атты мұнара ашылады. Телемұнара радио арқылы хабар таратуды бастады. Жапондық телеарналар оны келесі жылдан бастап қолдана бастайды.Келушілердің назарына дәстүрлі қарау алаңынан басқа көңіл көтеретін кешен ұсынылады. Кешен арқылы мұнараны аралап, ол орналасқан ауданның тарихтын танып-білуге болады. Сондай-ақ онда океанариум мен планетарий (планеталардың жүрісін көрсететін аспаптар ісін көрсететін арнаулы орын), дүкендер мен мейрамханалар бар.
20 мамыр — Ресей шайбалы хоккейден әлем чемпионатынның финалында Словакия құрамасын 6:2 есебімен жеңіп, чемпионаттың жеңімпазы атанды.
19 мамыр — италияндық Бриндизи қаласындағы Морвилло Фалконе мектебінде жарылыс болып, нәтижесінде бір адам қаза болды.
14 мамыр — Қазақстан мұзды хоккей ұлттық құрамасы 2012 жылғы әлем чемпионатында барлық ойындарында ұтылып өз тобында соңғы орын алып Үздікдер қатарынан шығып қалды. Келесі жылы Қазақстан құрамасы I дивизионда ойнайды
12 мамыр — Оңтүстік Кореядағы Йосу қаласында ЭКСПО-2012 ашылды.
9 мамыр — «Эйр Астана» Ұлы Отан соғысының ардагерлерін Жеңіс күнімен құттықтай отырып, әуекомпанияның бірінші меншік ұшағына аты аңызға айналған қазақстандық ұшқыш Хиуаз Доспанованың есімін беруді ұйғарды. Embraer 190 әуе кемесінің бортына ұшқыштың есімін жазу рәсімі шілде айында, әуекомпанияның меншікті ұшағы келгенде жасалады.
8 мамыр — шахматтан оқушылар арасындағы Румынияда өткен Әлем чемпионатын Қазақстан 3 алтын, 2 күміс ұтып алды:Бибісара Асаубаева — 9 жасқа дейін (Астана), Диана Асаубаева — 15 жасқа дейін (Қостанай), Динара Сәдуақасова 17 жасқа дейінгілер арасында (Астана).
6 мамыр — Франсуа Олланд Франция президенті болып сайланды, ол 51.13% дауыс жинаса, оның негізгі бәсекелесі Николя Саркози 48.87% алған.
2 мамыр — Үндістанның шығысындағы ғибадатханалардың біріне найзағай түсіп, 9 адам қаза тапты, тағы 15-сі жарақат алды.

Сәуір оқиғалары

22 сәуір — Қазақ велошабандозы Максим Иглинский әйгілі Льеж — Бастонь — Льеж жарысын жеңді.
2 сәуір — Венгрия президенті Пал Шмитт докторлық диссертациясы туралы даудан кейін өз еркімен қызметтен кетті. Ол "плагиат" атанған еді.
9 сәуір — Лондонда өтетін Жазғы Олимпиядалық ойындардың ресми сайты Иранда бұғатталған, оған себеп — осы ойындардың ресми нышанында "Zion" - Сион деген сөз шифрланған.
9 сәуір — Қазақ күресі Универсиада бағдарламасына енді. Сәуірдің басында Швейцарияда өткен ФИЛА жиынында бұл мәселе шешілді.

Наурыз оқиғалары

30 наурыз — Астана Арландары клубы ӘБС аясында жартылай финалда Мәскеу Динамосына дәл топтық кезеңдегідей 3-7 есебімен ұтылды. Осындай жеңілістен кейін клуб директоры Болат Мәнкенов отставкаға кетті.
27 наурыз — Жазғы уақыт Грузия құрамасының Шахматтан Еуропа чемпионатында жеңілуіне себеп болған. Еуропа наурыздың 25 жазғы уақытқа көшкен, ал Гүржістан жазғы уақыттан бас тартқандықтан грузиндер уақыт айырмашылығын ұмытып жарысқа кешігіп қалыпты.
26 наурыз — 50 мың сөзді қамтыған қазақ-ағылшын түсіндірме сөздігі Қазақстанда тұңғыш рет шыққалы отыр. Алматыда АҚШ-тың Индиана университетінің PhD докторы, қазақ әдебиетінің тарихын зерттеп жүрген ғалым Кристофер Бейкер 1300 беттен, 50 мың сөзден тұратын қазақ-ағылшын сөздігінің жобасын таныстырды.
23 наурыз — Тимур Құлыбаев Халықаралық Бокс федерациясының вице-президенті болып сайланды. Бұл шешім АИБА атқарушы комитетінің осы жылдағы алғашқы отырысында қабылданды. Осы лауазымы бойынша Тимур Құлыбаев АИБА-ның кәсіпқой бокс саласын дамытуына жауапты.
8 наурыз — Кирибати Тынық мұхит аралдарында орналасқан кішкене ел президенті аралдар су астына батып бара жатқанына байланысты өзінің жүз мыңға жуық халқын Фиджи елінен жер сатып алып көшірмекші.