Ұйғырдың дербес атты әскери дивизионы

Ұйғырдың дербес атты әскери дивизионы - Жетісудағы Азамат соғысы кезінде құрылған бөлім. 1920 жылы 28 қарашада Жаркент (Панфилов) қаласында еткен аудандық ревкомдар мен уездік партия ұйымының біріккен съезі Түркістан Компартиясының 5-съезі мен Түркістан республикасы Кеңесі 9-съезінің Қызыл Армия қатарына ұйғырларды тарту жөніндегі шешімін бірауыздан мақұлдады. 1921 жылы қаңтарда жер-жерден дивизионға 687 адам жиналды. Сөйтіп Жетісуда ұйғырлардың 57-тараншы атты әскер полкі, дербес тараншы атты әскер дивизионы және 39-дербес тараншы атты әскер эскадроны құрылды. Ұйғырдың дербес атты әскери дивизионы Жетісуда Софийск, Надеждинск станицалары мен Түргендегі контррев. бүліктерді жоюға қатысты. 1921 жылы қыркүйекте басмашыларға қарсы күреске Орта Азияға жіберілді. 1921-22 жылдары дивизион Әндіжан, Жалалабад, Бұхара қалаларын басмашылардан азат етуге қатысты.Жетісу энциклопедия. [1]

ДереккөздерӨңдеу

  1. Жетісу энциклопедия. - Алматы: «Арыс» баспасы, 2004 жыл. — 712 бет + 48 бет түрлі түсті суретті жапсырма. ISBN 9965-17-134-3