Ұлттық бірыңғай тестілеу

Ұлттық бірыңғай тестілеу (орыс. Единое национальное тестирование; қысқаша ҰБТ) — Қазақстан Республикасында қолданылатын мектеп бітірушілердің білімін сынау жүйесі. ҰБТ-ның нәтижесі жалпы және орта білім ұйымдары бойынша мемлекеттік аттестацияның қорытындысы ретінде есептеледі, ал қабылдау емтиханы ретінде колледждермен, ЖОО-мен есептелінеді.

Ұлттық Бірыңғай Тестілеу кезіндегі жауап парағы

Оқушының Қазақстан университеттеріне түсу мүмкіншілігі (грант және ақылы бөлім) және қорытынды аттестатының бағасы оның ҰБТ-да алған баллдардың санына байланысты болады. ҰБТ-ның баллдары тағы «Болашақ» атты президенттік шәкіртақы (стипендия) алуға мүмкіндік береді.

Өткен жылдары бітірген бітірушілер, колледж бітірушілері және кейбір талапкерлер үшін ҰБТ аналогтары кешенді тест (КТ) боп саналады.

Ұлттық бірыңғай тестілеу кезеңі 5 лектен тұрады (кей жағдайда оқушы санына қарап қысқарады) және маусымның алғашқы күндерінен басталады (10 күн, 1 лек = 2 күн). ҰБТ бір кезеңнен өтеді және 140 баллдық шкаламен бағаланады. Оқушылар бір күннің ішінде бес пәннен тест тапсырады: математика, Қазақстан тарихы, орыс тілі, қазақ тілі және таңдалған пән (шет тілі (ағылшын тілі, неміс тілі, француз тілі), биология, география, химия, физика, әдебиет) — әрбір пән 25 сұрақтан тұрады. ҰБТ-ның жүргізілуіне 3,5 сағат, яғни 210 минут беріледі. Қатысушының тапсырмаларды мінсіз орындаумен ала алатын ең жоғары тест бағасы - 140.

2024 жылы ең төменгі жалпы белгі:

• 65 балл — Қазақстанның ұлттық университеттері үшін;
• 70 балл — «Денсаулық сақтау және әлеуметтік қауіпсіздік (медицина)» білім беру саласы бойынша;
• 60 балл — «Ауыл шаруашылығы және биологиялық ресурстар», «Ветеринария» білім беру салаларына;
• 75 балл — «Құқық», «Педагогикалық ғылымдар» білім беру салаларына;
• 50 балл – басқа ЖОО-ға.

Бұл жағдайда 5 пәннің әрқайсысынан кемінде 5 балл жинау қажет.

ҰБТ-ның екі кезеңдік жобасы бар. Ол жоба бойынша ҰБТ-ны Республиканың мектеп бітірушілері тапсырады және бірінші кезеңнің қорытындысы елдің ЖОО-ларына түсу үшін жеткілікті болады. Грант алғысы келетіндер, сонымен бірге колледж бітірушілері, өткен жылдар бітірушілері, шетелдіктер КТ (кешенді тестілеу) тапсыруы керек болады. Алайда бұл жоба Қазақстан мектептеріне әлі енгізілмеген.

Талапкерді кешенді тестілеуге 4 пән бойынша тестілеу тапсырады. Кешенді тестілеуде тілдік тест тапсырылмайды. Кешенді тестілеуге 2 сағат беріледі және ҰБТ принциптері бойынша жүргізіледі. Кешенді тестілеуді ҰБТ-дан өту баллын жинай алмағандарда тапсыра алады.

Кешенді тестілеуге қатысу үшін ЖОО-ның қабылдау комиссиясына мынаны өткізу міндетті:

• 1) Өтініш
• 2) Білімі туралы құжат (атестат) - төлнұсқа
• 3) Қызмет көрсету төлемінің түбіртегі (2242 (жыл сайын өзгеруі мүмкін) теңге, "Қазпошта" бөлімі арқылы, Халық банк)
• 4) 2 фото 3x4 (таңдаған университеттің қажет етуіне байланысты)
• 5) Жеке куәліктің есесі (паспорттың)
• 6) Баулы папка
• 7) Конверт
• 8) 086 У анықтамасы (психдиспансер және наркодиспансердің мөрі және флюрография міндетті түрде).

Сілтемелер

• Раздел о ЕНТ на сайте «Образование в Казахстане и за рубежом» Мұрағатталған 2 шілденің 2020 жылы. (орыс.)
• Брифинг по разъяснению правил проведения единого национального тестирования (ЕНТ) в 2009 ж. Мұрағатталған 3 шілденің 2020 жылы. (орыс.)