Әбдәлі Тоқбергенұлы Нұрәлиев

Әбдәлі Тоқбергенұлы Нұрәлиев 1959 жылы 5 наурызда Жамбыл облысы Байзақ ауданы Жаңасаз ауылында туған. Қазақ. Жамбыл жеңіл және тамақ өнеркәсібі технологиялық институтының механикалық факультетін (1981) бітірген, инженер-механик. Техника ғылымдарының кандидаты (2001). Кандидаттық диссертациясының тақырыбы: «Қамыр бөлушінің тиімділігін арттыру». Қазақ және орыс тілдерін біледі. «Нұр Отан ХДП» мүшесі. 1976 жылдан - Жамбыл жеңіл және тамақ өнеркәсібі технологиялық институтының студенті. 1981 жылдан - Торғай облысы Жақсы, Челгашин, Державин элеваторларының шебері, мөханигі, бас инженері, директоры. 1989 жылдан - Жамбыл облысы Жуалы ауданы Бурное-нан қабылдау кәсіпорынының директоры. 2001 жылдан - Жамбыл облысы Жуалы ауданы әкімінің орынбасары. 2003 жылдан - Жамбыл облысы Байзақ ауданының әкімі. 2007 жылдан бері - Жамбыл облысы Т. Рысқұлов атындағы ауданның әкімі. «Құрмет орденімен» (1999); «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған. Хоббиі - кітап оқу. Үйленген. Жұбайы - Құлекеева Сағынкүл, Жамбыл облыстық мәслихатының бас маманы. Балалары - Бекжігіт (1981 жылы туған), Алтынай (1983 жылы туған), Жұлдызай (1990 жылы туған), Құралай (1993 жылы туған). Немерелері - Бекарыс, Жәнел, Ақарыс, Нұрхан.