Әлбаррасин тайфасы
Әлбаррасин тайфасы (ис. Taifa de Albarracín) — 1012-1104 жылдары өмір сүрген қазіргі Испанияның шығысындағы ортағасырлық мұсылман мемлекеті. Оның құрамына Әлбаррасин қаласы мен оның айналасындағы таулар кірді. Тайфаны Аввара тайпасына жататын бербер руы Бану Расин басқарды. Бану Расин руы Тарықпен бірге Испанияға келіп, қоныстану үшін Кордоба маңынан жер алды. Алайда олар кейіннен Монтес Универсалес таулы аймағына көшіп, Сиерра Әлбаррасинге қоныстанды. Бану Расин Кордоба әмірлері мен халифаларының билігіне әрқашан бағынбады және 1012 жылы Әбу Мұхаммед Хұдайыл ибн әл-Асла ибн Расин өзін тәуелсіз әмір деп жариялады. Азғындалып бара жатқан Кордоба халифатының халифалары II Хишам және Сүлеймен келісімді бағыныс үшін осы аймақтағы Бану Расиннің билігін дәйекті түрде мойындады. Тайфа аумағы Толедодан Сарагосаға және Толедодан Валенсияға дейінгі жолдардың қиылысында орналасқан. Бану Расин руы Әлбаррасинді өз иеліктеріне қосуға ұмтылған Сарагоса тайфасының билеушілерімен күресуге мәжбүр болды[1].
| Әлбаррасин тайфасы ис. Taifa de Albarracín Тайфа | ||||
| ||||
|---|---|---|---|---|
| ||||
| Астанасы | Әлбаррасин | |||
| Тіл(дер)і | классикалық араб тілі (ресми деңгейде) Араб тілінің андалуз диалекті (күнделікті өмірде) мосарабша сефардша | |||
| Діні | ислам христиандық яһудилік | |||
| Басқару формасы | монархия | |||
| Династиясы | Бану Расин | |||
Алғашқы Әлбаррасин әмірі Хұдайыл жазба деректерде жігерлі, тіпті қатыгез билеуші ретінде сипатталады. 1045 жылы оның орнына Леон және Кастилия патшасы VI Алфонсоға вассалдық тәуелділікті мойындауға және оған салық төлеуге мәжбүр болған Әбд әл-Мәлік ибн Расин келді. 1086 жылы Заллак түбіндегі шайқастан кейін Әбд әл-Мәлік төлемді тоқтатты, бірақ 1090 жылы ол Әл Сид әскерлеріне беріліп, қайтадан өзін Леон мен Кастилия патшасының вассалы ретінде тануға мәжбүр болды. Сонымен қатар, Әл Сид әмірді Валенсияны қоршауға қосылуға мәжбүр етті. Бірақ Әбд әл-Мәлік жасырын түрде Лерида, Тортоса, Әлпуенте әмірлері және Әлморабиттермен одақ құрды. Содан кейін Әл Сид Куартада Әбд әл-Мәліктің әскерін жеңді.
1103 жылы Жақия Хұсам әд-Дәуіл Әлбаррасиннің әмірі болды, оны 1104 жылы сәуірде Валенсияның әлморабиттік губернаторы Әбу Абдулла Мұхаммед ибн Фатима тақтан тайдырды. Осыдан кейін Бану Расин руы Валенсияға көшті, ал тайфа аумағы Әлморабиттер мемлекетіне қосылды.
Әлбаррасин тайфасының билеушілері
өңдеу- Бану Расин
- Әбу Мұхаммед Хұдайыл ибн әл-Асла ибн Расин (1010/1012-1045)
- Әбу Мәруән Әбд әл-Мәлік ибн Расин (1045—1103)
- Жақия Хұсам әд-Дәуіл (1103—1104)
- Әлморабиттердің қол астында (1104 бастап)
Сілтеме
өңдеу- Regnal chronologyМұрағатталған 20 маусымның 2012 жылы.
Дереккөздер
өңдеу- ↑ Әлбаррасин тайфасы «Реконкиста» сайтында.(қолжетпейтін сілтеме)