Әлібаев Насихат Төреғазыұлы

Әлібаев Насихат Төреғазыұлы (1912, бұрынғы Гурьев облысы, Теңіз ауданы, Зармат ауылы - 23.10.1970, Орал қаласы) — дәрігер, Қазақстанның еңбек сіңірген медицина қызметкері, медицина майоры (1946). 1936 ж. Алматы медицина институтын бітірген соң бұрынғы Теңіз ауданында (Атырау облысы) аурухана меңгерушісі болған. 1941-46 ж. Ұлы Отан соғысына қатысып, дивизия госпиталының хирургы, госпиталь бастығы міндетін атқарған. Майданнан оралған соң Орал қалалық 1-аурухананың бас дәрігері (1946-52), медицина училище директоры, облысы санитарлық авиация ст-ның бастығы (1952-60), Орал қалалық 2-аурухананың бас дәрігері (1960- 70) болды. «Қызыл жұлдыз», 2-дер. Ұлы Отан соғысы ордендерімен, бірнеше медальмен марапатталған.