Әнуарбек Ғалымжанұлы Аманқұлов

Әнуарбек Ғалымжанұлы Аманқұлов 1979 жылы 12 мамырда Гурьев қаласында туған. Қазақ. Әкесі - Аманқұлов Ғалымжан Рахметұлы. Анасы - Аманқұлова Зәрипа Апдашқызы. X. Досмұхамедов атындағы Атырау мемлекеттік университетінің жаратылыстану факультетін бітірген (2000), дене тәрбиесі сабағының мүғалімі. «Нұр Отан» ХДП мүшесі (2006 жылдан бері).

• 1997-2006 жылдары - ШҰКД және ОР жанындағы таэквондодан ҚР Ұлттық құрамасының құрамында болған.
• 2000-2006 жылдары - №1 ОРМСМ (Атырау қ.) таэквондо бөлімшесінің спортшы-нұсқаушысы болған.
• 2007 жылдан бері - №1 ОРМСМ жанындағы таэквондо бөлімшесінің жаттықтырушысы, «ҚР Таэквондо федерациясы» АҚҰ Атырау облыстық бөлімшесінің спортшы-нүсқаушысы.
• ҚР 10 мәрте чемпионы;
• ҚР Кубогының 9 мәрте жеңімпазы;
• Азия ойындарының қола жүлдегері (Таиланд, 1999);
• ҚР Спартакиадасы мен Универсиадасының жеңімпазы;
• Халықаралық жарыстар жүлдегері (Румыния; Германия);
• Шығысазиялық ойындардың күміс жүлдегері (Сауд Арабиясы).
• Әлем чемпионаттары мен кубоктарының қатысушысы.
• Халықаралық кластағы спорт шебері (1999).
• Таэквондодан қара белбеу, 2 дан иегері.
• Туризм және спорт министрлігінің, ҚР Білім және ғылым министрлігінің, Атырау облыстық әкімшілігінің грамоталарымен марапатталған.