Әсет Көпбайұлы Бейсеуов

Әсет Көпбайұлы Бейсеуов (13.10. 1938, Алматы облысы, Жамбыл ауданы, Қарғалы ауылы - 20.3.1996, Алматы) - композитор, Қазақстанның халық артисі (1991).

Әсет Бейсеуов.TIF

ӨмірбаяныӨңдеу

  • Алматы консерваториясын (қазіргі Қазақ ұлттық консерваториясы, В.В. Великановтың класы бойынша) бітірген (1960).
  • 1961 - 1964 ж. Текелі қаласының музыка мектебінде мұғалім
  • 1964-1966 ж. Мәдениет үйінде қызметкер
  • 1966 - 1967 ж. Есік музыка мектебінде мұғалім
  • 1967 - 1968 ж. Ұзынағашта Мәдениет үйінің көркемдік жетекшісі болды.
  • 1969-1974 ж. "Гүлдер" ансамблінде
  • 1974 - 1980 ж. Қуыршақ театрында қызмет істеді.

ШығармашылығыӨңдеу

Бейсеуов қазақ эстрадасында музыкасының дамуына үлес қосты. Композитордың "Алмалы Алматым", "Гүлдер", "Шақырады көктем", "Мұңайма", "Алтыным", "Маралдым", "Сандуғаш", "Сырласу вальсі", "Жұлдызым", "Армандастар", "Жайықтан қайтқан тырналар", т.б. туындылары қазақ ән өнерінің алтын қорына енді. Сондай-ақ, Бейсеуов бірнеше спектакльдерге (С.Балғабаевтың "Қыз жиырмаға келгенде", Ә.Тауасаровтың "Аса құрметті Икс"), кинофильмге ("Көртышқан мен қоян"), телефильмдерге ("Алдар көсе", "Жаздың соңғы күні", т.б.) музыка жазды. Көптеген ән жинақтары жарық көрді.

МарапаттарыӨңдеу

Қазақстан Комсомол сыйлығының иегері (1972).[1]

ДереккөздерӨңдеу

  1. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8