1992 жылдың жазы

1992 жылдың жазы (дат. Sommeren 92) — режиссер Каспер Барфоедтің 2015 жылы түсірілген фильмі.

1992 жылдың жазы
Sommeren '92
Режиссёрі	Каспер Барфоед
Мемлекет	Дания
Тілі	дат
Шыққан жылы	2015 жыл

Сюжет

90-жылдары Дания құрамасының бапкері боп Рихард Меллер-Нильсен тағайындалады. Меллер-Нильсенге құраманы жаттықтыру оңайға соқпайды. Құраманың Ян Хайнце, Микаэль Лаудруп секілді белді футболшылары бұны мойындамайды да, Еуропа чемпионатына қатысудан бас тартады. Бапкер оған мойымай, өз жоспары бойынша жұмыс жасауын тоқтатпайды.

Дания чемпионаты нашар бастайды. Соңғы турдың 78-минутына дейін оларды ешкім жартылай финалға шығады деп ойламайды. Осы уақытта күтпеген жерде Франция қақпасына гол соғып, жартылай финал жолдамасын жұлып әкетеді. Жартылай финалда Нидерланд құрамасын қапы қалдырып, финалға шығады.

Финалдан алдын футболшылар радио тыңдап отырады, радиода әлдебіреу «Дания финалға шықты, бірақ бәрібір 80-жылдардағыдай күшті емес» деп жатқанын естиді де, бапкер:

— Өшіріңдер! — дейді. Радио өшеді. Сонда бапкер былай дейді.

— Сексенінші жылдар артта қалды. Өтіп кетті, енді маңызсыз. Қазір құрамада Элькяр жоқ. Арнесен де жоқ. Микаэль Лаудруп та жоқ. Бар болған күнде де, мен оларды қосалқы құрамда отырғызып қояр ем. Қазір командада маған қажетті футболшылардың бәрі бар. Мен өз арманымдағыдай команда жасақтай алдым, — деп футболшыларға жігер береді.

Дания финалда Германияны 2:0 есебімен ұтып, Еуропа чемпионы атанады. Футболшылар өз бапкерінің мықтылығын амалсыз мойындайды.

Актерлер

• Ульрих Томсен — Рихард Меллер Нильсен
• Хеннинг Енсен — Ка Иохансеен
• Миккель Боэ Фёльсгор — Ким Вильфорд
• Сирон Бьёрн Мелвиль — Бриан Лаудруп
• Эсбен Смед — Ион Йенсен

Сілтемелер

• Кино поиск сайтында