Абдулла Баймұратұлы Құлыбеков

Құлыбеков Абдулла Баймұрат-ұлы (15.4.1903, Ақтөбе облысы Ырғыз ауданы - 1953, Алматы) - жазушы, аудармашы.

• 1921 - 1924 жылдары халық ағарту саласында қызмет істеген.
• 1924 - 1937 жылдары партия және кеңес органдарында түрлі басшы қызметте болған.
• 1937 жылдан өмірінің соңына дейін Қазақстан КП ОК жанындағы Маркс - Энгельс - Ленин институтының қазақ филиалында редактор және Қазақтың мемлекеттік көркем әдебиет баспасында аға редактор кызметтерін аткарған. Құлыбеков орыс және дүниежүзілік классикалық көркем әдебиеттің таңдаулы туындыларын қазақ тіліне аударушылардың бірі. Ол В.Катаевтың "Мен еңбекші халық ұлымын" (1939), А.Сурковтың "Сталинградтан шалғайда" (1946), К.Симоновтың "Орыс мәселесі" (1949), М.Горькийдің "Мещандар" (1955), И.Гончаровтың "Обломов" (Х.Өзденбаев, А.Сүлейменовпен бірге) шығармаларын қазақ тіліне аударған.

Құлыбеков Абдулла Баймұрат-ұлы
Дүниеге келгені:	1903 ж. сәуірдің 15 (1903—04—15) Ақтөбе облысы Ырғыз ауданы
Ұлты:	қазақ
Мансабы:	Жазушы, Аудармашы