Хасен Уахитұлы Өзденбаев

Хасен Уахитұлы Өзденбаев (12.9.1904. Қостанай облысы Комсомол ауданы - 1992) - жазушы, Қазакстанның еңб. сің. мәдениет қызметкері.

1911 - 1920 жылдары Троицк қ-нда татар медресесінде орысша-татарша мектепте, содан кейін гимназияда, Орынборда мұғалімдерді даярлайтын (1924), Мәскеуде облысы редакторларын даярлайтын курстарда (1934) оқып, Қостанайдың мұғалімдер ин-тын бітірген. 1920 - 1928 жылдары заң орындарында қызмет атқарып, 1928 - 1973 жылдары коммунистік баспасөз орындарында редактор болған. Әдеби қызметті 1929 - 1930 жылдары Қостанайдың округтік "Ауыл" газетінде фельетон, очерктері жарияланып тұрған. Жазушылық еңбегінің негізгі жанры - көркем аударма. Оның аудармасымен орыс әдебиетінің, әлемдік әдебиеттің және Кеңес әдебиетінің көптеген шығармалары қазақ тілінде жарық көрді. Орыс жазушылары М.Алексеевтің "Болыпевиктері", М.Шолоховтың "Көтерілген тың", "Тынық Дон", И.Гончаровтың "Обломов", "Белгілі әңгіме", француз жазушысы О.Бальзактың "Шегірен былғары" романдарын, француз жазушысы П.Мэрименің, орыс жазушысы И.Вазовтың әңгімелерін, "Дауылдан кейін" (Н.П. Кузьминмен бірлесіп орысшаға), Өзбек жазушысы А.Мұхтардың "Апалы сіңлілер" романын, Татар жазушысы Ә.Еникидің "Айтылмай қалған өсиет" повесін қазақ тіліне аударған. Өзденбаев "Еңбек ардагері", "Еңбектегі ерлігі үшін" медальдарымен Қазақстан Жоғ. Кеңесінің Құрмет грамоталарымен марапатталған.