Абдулхафиз Марахимұлы Жалолов
Абдулхафиз Марахимұлы Жалалов (өзб. Abdulhafiz Marahimovich Jalolov) — кеңестік және өзбекстандық мемлекеттік, саяси, партиялық және ғылым қайраткері, философия ғылымдарының докторы. 2000 жылғы президенттік сайлауда ресми түрде 4,17% дауыс алған Ислам Кәрімовтың жалғыз қарсыласы ретінде белгілі.
| Абдулхафиз Марахимұлы Жалолов | |
| өзб. Abdulhafiz Marahimovich Jalolov | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Ғылыми аясы | |
| Жұмыс орны | |
| Ғылыми дәрежесі | |
| Альма-матер | |
Өмірбаяны өңдеу
1947 жылы Наманған облысы, Янгиқорған ауданы, Бірлашган ауылында дәрігердің отбасында дүниеге келген.[1] 1964 жылы сол ауылдағы 14 орта мектепті бітірген.
1969 жылы Ташкент мемлекеттік университетін философия мамандығы бойынша бітірген.
1969—1971 жылдары Термез қаласындағы шекара заставасы бастығының орынбасары болып Шекара әскерлері қатарында мерзімді әскери қызметте болды.
Акдемиялық жұмысы өңдеу
1971—1972 жылдары Ташкент мемлекеттік университетінің философия кафедрасында оқытушы болып жұмыс істеді. 1972-1977 жылдары - Өзбек КСР ҒА Философия және құқық институтының ғылыми қызметкері.
1976 жылы «Гегель және Шығыс халықтарының философиялық ойы» деген тақырыпта кандидаттық диссертация қорғады.
1977—1981 жылдары - Өзбекстан мемлекеттік дене шынықтыру институтының философия кафедрасының меңгерушісі. 1981—1992 жылдары Ташкент мемлекеттік университеті жанындағы Біліктілікті арттыру институтында философия кафедрасының доценті, директордың ғылым жөніндегі орынбасары қызметтерін атқарды.
1992 жылы «Адамның жан-жақты дамуы және қоғамды ізгілендіру мәселелері» деген тақырыпта докторлық диссертация қорғады.
Біраз уақыт Өзбекстан Республикасы Президенті жанындағы Әлемдік мәселелер институтының бөлім меңгерушісі болды.
1993—2001 жылдары Өзбекстан Ғылым академиясының Философия және құқық институтын басқарды.
Саяси жұмыстары өңдеу
1986—1991 жылдары Өзбекстан Компартиясы Орталық Комитетінің оқытушысы, лекторийлер тобының меңгерушісі, идеологиялық бөлім меңгерушісінің орынбасары болды.
1991 жылы Өзбекстан Халықтық Демократиялық партиясы құрылғаннан бері партияның орталық кеңесінің бөлім меңгерушісі.
1994 жылы тамызда ХДП орталық кеңесінің бірінші хатшысы болып сайланды, 1999 жылы қазанда қайта сайланды. 2003 жылы 27 желтоқсанда ол қызметінен босатылды.
1994 жылы желтоқсанда Олий Мәжіліс депутаты болып сайланды. Ол парламенттегі ХДП фракциясының төрағасы болды.
2000 жылғы президенттік сайлауда ол қазіргі президент Ислам Каримовтан жеңіліп қалды. Ресми деректер бойынша Жалалов 4,17% дауыс жинаған.[2]
2019 жылдың 29 шілдесінде Янгиқорғанда қайтыс болды. Туып-өскен Бірлашган ауылында жерленген.
Үйленген, 4 баласы бар.