Азия антициклоны

Азия антициклоны, Сібір максимумы — Азия материгінің орта шенінде қарашадан наурыз айына дейін болатын атмосфера әсерінің қысқы климаттық орталығы, жоғарғы қысымның тұрақты аймағы.
Азия антициклоны, Орталық Азия антициклоны, моңғолиялық антициклон, сібірлік антициклон – қыс айларының көп жылдық орта карталарындағы Азия үстінде болатын атмосфералық қысымы жоғары аймақ, маусымдық атмосфера әрекеті орталықтарының бірі.

Азия антициклонының ортасында қаңтардың орта қысымы 1030 мбар (0,103 Мн/м²).
Азия антициклоны қыста өте суыған Азия құрлығының үстінде жиі пайда болып тұратын антициклонның үдей түсуі салдарынан болады. Мұндай жекеленген антициклондарда атмосфералық қысым 1050 мбарға (0,105 Мн/м²) жетеді.

Азия антициклонының режиміне байланысты Азияның ішкі аудандарындағы қысқы ауа райы (жер бетіне таяу қабатта) өте суық, тынық, бұлтсыз және қары аз болады.

Жазда азия антициклоны азиялық депрессияға ауысады. Қазақстан аумағына қыс айларының климатын қалыптастырады.

Дереккөздер

"Қазақ Энциклопедиясы"

• Русско-казахский толковый географический словарь. Под общей редакцией академика АН КазССР, проф. С. К. Кенесбаева и кандидата филол. наук А. А. Абдрахманова. Алма-Ата, Изд-во «Наука», 1966, стр. 204. (Академия наук Казахской ССР. Институт языкознания. Сектор физической географии). Составители: Ж. Аубакиров, С. Абдрахманов, К. Базарбаев.