Айташ Жұбанышәлиев

Айташ Жұбанышәлиев — мәдениет қайраткері, шаруашылық басшысы. Ауыл мектебінде сауат ашқаннан кейін Бурабай орман техникумында (1927–1928), Мәскеудегі Шығыс еңбекшілері коммунистік университетінде (1931), Мәдениет институтында (1931–1933) оқыған.

• 1923–1938 жылдары Жәнібек, Орда, Қаратөбе, Камен ауданында түрлі қызметтерде,
• 1938, 1941–1943 жылдары Орал облысы театрының директоры,
• 1939–1941 жылдары Бөрлі ауданында кеңшар директоры,
• 1943–1949, 1961–1966 жылдары М.Әуезов атындағы Қазақ мемлекеттік драма театрының (Алматы) директоры,
• 1947–1950 жылдары Қазақ КСР Министрлер Кеңесі жанындағы Өнер басқармасы бастығының орынбасары.
• 1950–1953 жылдары Абай атындағы Қазақ мемлекеттік опера және балет театрының директоры,

Айташ Жұбанышәлиев
Дүниеге келгені:	01.03.1906 Жәнібек ауданы
Қайтыс болғаны:	15.02.1990
Мансабы:	мәдениет қайраткері, шаруашылық басшысы

• 1953–1955 жылдары Мәдениет министрлігінің басқарма бастығы. 2-дәрежелі Отан соғысы, «Құрмет Белгісі» ордендерімен, бірнеше медальмен марапатталған.