Александр Федорович Вербняк



Александр Федорович Вербняк 1953 жылы 27 сәуірде Краснодар өлкесі Белореченск ауданы Чернигов стансасында туған. Орыс. Әкесі - Вербняк Федор Игнатьевич (1927-2002), газэлектрдәнекерлеуші болған. Анасы - Вербняк Валентина Пантелеевна, зейнеткер, бастауыш сыныптар мұғалімі болған.

Александр Федорович Вербняк
Дүниеге келгені: 1953 сәуір
Краснодар өлкесі Белореченск ауданы
Мансабы:

Екібастұз қаласының

әкімі

В.И. Ленин атындағы Қазақ политехникалық институтының машина құрылысы, металл кесуші аспаптар мен саймандардың технологиясы факультетін (1981) инженермеханик мамандығы бойынша; Павлодар университетінің магистратурасын (2004) менеджмент магистрі болып бітірген.

Экономика ғылымдарының кандидаты (2007). «Павлодар университетінің хабаршысы» журналында жарияланған «Павлодар облысының индустриялық-инновациялық дамуы», «Павлодар облысы өнеркәсібінің жағдайы және оны индустриялық-инновациялық дамыту жолдары» жарияланымдарының авторы.

Орыс және неміс (сөздікпен) тілдөрін біледі. «Нұр Отан» ХДП мүшесі (2001 жылдан). 1972 жылдың сәуірінен - Земетчинск бас май зауыты инженер-механигі (Пенза облысы). 1972 жылдың мамырынан - Кеңес Әскерінің қатарында қызметте. 1974 жылдың маусымынан тамызына дейін - Орынбор сүт өнеркәсібі өндірістік бірлестігінің инженері. 1974 жылдың тамызынан - Орынбор май зауытының шебері. 1974 жылдың қазанынан - «Радиатор» зауытының шебер (Орынбор қ.). 1975 жылдан - «Орынборэнергоқұрылыс» тресі 3 ҚБ слесарі. 1976 жылдан - әскери-құрлыс отрядында қызметте. 1984 жылдан - Қазақстан Компартиясы Екібастұз қалалық комитетінің нұсқаушысы. 1986 жылдан - Екібастұз сүт зауытының директоры. 1990 жылдан - Павлодар сүт комбинатының директоры. 1992 жылдан - «Сүт» АҚ төрағасы (Павлодар қ.). 1995 жылдан - Павлодар қаласы әкімінің бірінші орынбасары. 1998 жылдан - Солтүстік Қазақстан облысы әкімінің бірінші орынбасары. 2001 жылдан -Павлодар облысы әкімінің бірінші орынбасары. 2010 жылдың қарашасынан бері - Екібастұз қаласының әкімі.

«Құрмет» (2004) орденімен; «Ұлы Октябрь Социалистік революциясына 60 жыл» (1977), «КСРО Қарулы Күштеріне 60 жыл» (1978), «Астана» (1998), «Қазақстан Республикасы- ныңтәуелсіздігіне Южыл» (2001), «Қазақстан Конституция- сына 10 жыл» (2005), «Қазақстан Парламентіне 10 жыл» (2006), «Астананың 10 жылдығы» (2008) медальдарымен марапатталған.

Әскери атағы - полковник. Діни көзқарасы - православиелік. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Тәуелсіздік, тұрақтылық, ұлтаралық келісім және өркендеу». Хоббиі - спорт, балық аулау.

Сүйіп оқитын әдебиеті -ғылыми әдебиет, детективтікжәне тарихи жанрлар.

Үйленген. Жұбайы - Вербняк Людмила Ивановна, «Веер» ЖШС директорының орынбасары (Павлодар қ.). Ұлдары - Вербняк Александр (1975 ж. т.); Вербняк Артем (1988 ж. т.); қызы - Вербняк Наталья (1985 ж. т.).[1]

Дереккөздер өңдеу

  1. Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2