Алматы музыка колледжі

(Алматы музыкалық училищесі бетінен бағытталды)


П.Чайковский атындағы Алматы музыка колледжі — оқу орны. 1932 жылы муз.-драма техникумы ретінде құрылды. 1936 жылы муз, театр уч-щесі, 1938 жылы музыка уч-щесі деп аталды, 1941 жылы муз.-хореогр. комбинат құрамына енді. 1951 жылы қайтадан музыка уч-щесі деп аталды [1].

Тұңғыш директоры жазушы Сағыр Камалов, орынбасары Ахмет Қуанұлы Жұбанов болды. 1938 ж. мамырда Қазақ КСР халық комиссарлары Советінің қаулысымен орта кәсіптік кадрлар даярлайтын арнаулы музыка училищесі болып қайта құрылды. 1941 ж. музыка-хореографиялық комбинат құрамына енді. 1951 жылдан колледж болды. Оқу мерзімі 4 жыл. Өндірістен қол үзіп және қол үзбей оқуға болады. 10 мамандық бойынша: фортепиано, шекті, үнді және соқпа аспаптар, ән, хор дирижері, музыка теориясы, эстрада өнері бойынша кадрлар даярлайды. КСРО халық артистері: Ришад және Мүсілім Абдуллин, Ғазиз Дұғашев, Құддыс Қожамьяров, Қапан Мусин, Шабал Бейсекова, Байғали Досымжанов т.б. осы оқу орнының түлектері. 1996 ж. училище 57 рет өз түлектерін ұшырды.[2][3]

Дереккөздер өңдеу

  1. Қазақ Телевизиясы. Энциклопедия. - Алматы: "ҚазАқпарат" 2009, 1-т: - 640 бет, ISBN №978-601-03-0070-5
  2. Қазақ ұлттық энциклопедиясы
  3. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8