Алтынжар ауылдық кеңесі
Алтынжар ауылдық кеңесі (орыс. Алтынжарский сельсовет) — Ресей Федерациясы, Астрахан облысы, Володар ауданы құрамындағы муниципалды құрылым. Әкімшілік орталығы — Алтынжар ауылы.
| Алтынжар ауылдық кеңесі | |
| орыс. Алтынжарский сельсовет | |
| Әкімшілігі | |
|---|---|
| Ел | |
| Кіреді | |
| Енеді |
6 елді мекен |
| Әкімшілік орталығы |
Алтынжар ауылы |
| Муниципалды құрылымның басшысы |
Ізбасаров Саттар Басырұлы |
| Тарихы мен географиясы | |
| Жер аумағы |
71,88 км² |
| Тұрғындары | |
| Тұрғыны |
↘2423 адам (2021) |
| Тығыздығы |
36,1 адам/км² |
| Телефон коды |
(85142) |
| Пошта индекстері |
416196 |
| Автомобиль коды |
30 |
Географиялық орны
өңдеуАуылдық кеңестің шекарасы Новин ауылдық кеңесінің шекарасы бойындағы Прорва жайылматармақтан басталып, оңтүстік-шығыс бағытта ұзындығы 1100 м болатын құрғақ сай-саламен Астрахан-Зеленга тас жолына дейін, ұзындығы 1000 м болатын Северный телімінің солтүстік жағын бойлай, содан кейін ұзындығы 280 метр болатын Северный телімінің шығыс жағындағы су тосқауыл үймегін бойлай, одан әрі солтүстік-шығысқа қарай құрғақ сай-саламен 1630 метр және Камардан өзеніне дейін барады[1].
Тарихы
өңдеу1922 жылы Алтынжар ауылдық кеңесі Астрахан уезінің Әбубәкір болысының құрамында есептік деректерінде аталды. 1925 жылы шілдеде ауылдық кеңес Могой ауданының құрамына кірді, 1926 жылы Зеленгинск ауданына берілді, 1931 жылы Володар ауданының аумағына кірді, 1944 жылы Зеленгинск ауданына оралды, 1963 жылы Красноярск ауданына қосылды, ақыры 1965 жылы Алтынжар ауылдық кеңесі Володар ауданына берілді[2].
Тұрғындары
өңдеу| 2010 | 2012 | 2013 | 2014 | 2015 | 2016 | 2017 |
|---|---|---|---|---|---|---|
| 2471 | ↗2478 | ↗2496 | ↘2489 | ↗2490 | ↘2460 | ↗2484 |
| 2018 | 2019 | 2020 | 2021 | |||
| ↗2486 | ↘2468 | ↘2446 | ↘2423 |
Құрамы
өңдеуҚонысқа келесі елді мекендер кіреді[3]:
| Елді мекен | Тұрғындары, адам (2010) |
|---|---|
| Алтынжар, ауыл | 1071 |
| Егін Ауыл, ауыл | 186 |
| Кошеванка, ауыл | 329 |
| Камардан, ауыл | 685 |
| Коровие, ауыл | 163 |
| Казенный Бугор, ауыл | 161 |
Қожалық
өңдеуМуниципалды құрылымның жалпы ауданы 7188 га, оның ішінде ауыл шаруашылығы жерлері — 6366 га, жайылымдар — 2182 га, шабындық жерлер — 2939 га. Топырақ жамылғысының құрылымында құба жартылай шөлді топырақтар және олардың жартылай шөлді сортаңдануы бар кешендері басым.
Ауылдық кеңесте өсімдік шаруашылығы, балық аулау, мал шаруашылығы дамығын (2011 жылы ірі қара саны 2250 бас болды, 2006 жылы «Володарский» сүт зауытына 163,3 тонна сүт жеткізілді — бұл облыстың муниципалды құрылымдары арасында халықтан сүт жинау бойынша облыстық байқауда екінші орын, 2009 жылы 60,033 т, 2010 жылы — 41,696 т, 2011 жылы — 16,619 т сүт). Халық ет және сүт өнімдерімен, жүнмен қамтамасыз етілген. Ірі қарадан басқа шаруашылықтарда жылқы, ешкі, қой, тауық бар. Барлық үй шаруашылықтары мен мекемелер газдандырылған. 2006 жылы Алтынжар ауылы Астрахан облысындағы ең жайлы қонысқа ұсынылды, онда ол үшінші орынға ие болды. 12 дүкен жұмыс істейді.
Алтынжар ауылындағы әлеуметтік сала нысаналарынан: ауылдық кеңес әкімшілігінің ғимараты, орта мектеп, фельдшерлік-акушерлік пункт, ауылдық кітапхана, балабақша, пошта бөлімшесі, Құрманғазы Сағырбаев атындағы аймақтық мәдениет орталығы мәдениетінің облыстық мемлекеттік мекемесі, Құрманғазы Сағырбаев кесенесі.
Астрахан қаласы ұзындығы 60 шақырым болатын Камардан-Алтынжар-Володар-Астрахан жолымен жалғасады. Ауыл ішінде 2 шақырымға жуық асфальт төселген.
Дереккөздер
өңдеу- ↑ Географиялық анықтама (орыс.). Астрахан облысының жергілікті өзіндік басқарма порталы (8 февраля 2010). Тексерілді, 27 қараша 2013.
- ↑ Тарихи анықтама (орыс.). Астрахан облысының жергілікті өзіндік басқарма порталы (8 февраля 2010). Тексерілді, 27 қараша 2013.
- ↑ Тұрғындары (орыс.). Астрахан облысының жергілікті өзіндік басқарма порталы. Тексерілді, 27 қараша 2013.