Альберт Павлович Рау

	Альберт Павлович Рау; нем. Albert Pawlowitsch Rau
	; Ресми портреті, 2021
Лауазымы
2017 жылдан бері
Төрағасы	Ерлан Қошанов
31 наурыз 2023 жылдан бастап
Төрағасы	Ерлан Қошанов
2014 — 2017
Министрі	Әсет Исекешев
2010 — 2014
2010 — 2014
1994 — 2004
Өмірбаяны
Партиясы	«Аманат» фракциясы (2017 бері)
Білімі	1) Қазақ политехникалық институтының Рудныйлық филиалы (1982); 2) Ресей президенті жанындағы Ресей мемлекеттік басқару академиясы (2004)
Ғылыми дәрежесі	экономика ғылымдарының докторы
Мамандығы	тау-кен инженері (1982); экономист-менеджер (2004)
Дүниеге келуі	1 қыркүйек 1960 (64 жас); Валерьяновка, Бейімбет Майлин ауданы, Қостанай облысы, Қазақ КСР, КСРО
Жұбайы	Светлана Васильевна Рау
Балалары	қызы Александра (1985 туған) және ұлы Алексей (1986 туған)
Әскери қызметі
Қызмет еткен жылдары	1982–1984
Құрамында болды	КСРО әскері
Атағы	курсант
	өңдеу

Альберт Павлович Рау (нем. Albert Pawlowitsch Rau; 1 қыркүйек 1960 жыл, Валерьяновка, Бейімбет Майлин ауданы, Қостанай облысы) — қазақстандық саясаткер, қоғам қайраткері, Қазақстан Мәжілісінің депутаты (2017 жылдан бері), Мәжіліс төрағасының орынбасары (2023 жылдан бері) және экономика ғылымының докторы (2007).^[1]

Бұрын Рау Инвестициялар және даму бірінші вице-министрі (2014–2017), Индустрия және жаңа технологиялар бірінші вице-министрі (2010–2014), Ақмола облысының әкімі (2008–2010) және Лисаковск әкімі (1994–2004) сияқты лауазымдардың иегері болған.^[1]

Өмірбаяны

Шығу тегі, ұлты

Ол — Еділ бойындағы неміс колониясынан шыққан атақты неміс археологы Пауль Раудың ұрпағы, Пауль Раудың 100 жылдығын 1997 жылы ресейлік және германиялық ғалымдар атап өткен еді.^[3]

1973 жылы Альберттің отбасы Қостанай облысының Лисаковск қаласына көшті.^[3]

Альберт Рау 1 қыркүйек күні, 1960 жылы Қостанай облысының Бейімбет Майлин ауданындағы Валерьяновка ауылында^[2]^[1] дүниеге келді. Ұлты — неміс.^[3]^[4]

Білімі және әскери қызметі

1982 жылы Рау Қазақ политехникалық институтының Рудныйлық филиалында Тау-кен жұмыстарын электрлендіру және автоматтандыруға маманданған тау-кен инженері мамандығына білім алды. 1998 жылы экономика ғылымдарының кандидаты атанды.^[2]

2004 жылы Мемлекеттік және муниципалды басқару мамандығы бойынша экономист-менеджер мамандығына Ресей президенті жанындағы Ресей мемлекеттік басқару академиясындағы оқуын бітірді.

Экономика ғылымдарының докторы.^[1]

Әскери қызметін 1982–1984 жылдары аралығында Қазақстанның оңтүстігінде курсант, танк командирі болып атқарған.^[3]

Қостанай облысындағы мансабы

1984 жылдан 1986 жылға дейін Қостанай облысы, Лисаковск қаласы, ССТКБӨБ Қоржұңкөл кенішінің энергетикі болып мансабын бастады. Бұл қызметін аяқтағасын, 1991 жылға дейін Қостанай облысы, Лисаковск қаласы, сол кеніштегі кәсіподақ комитетінің төрағасы болды.^[2]

1991–1992 жылдары аралығында Рау Қостанай облысы халық депутаттары Лисаковск қалалық Кеңесі атқару комитеті Шаруашылық шаруашылық бөлімі меңгерушісінің орынбасары қызметін атқарды. Бұдан кейін бір жыл бойы Лисаковск қалалық халық депутаттары кеңесінің төрағасы лауазымында еді.^[2]

1993–1994 жылдары Лисаковск қаласы әкімшілігі басшысының орынбасары (қазіргі Лисаковск әкімінің орынбасары). 1994 жылдың қыркүйегінен 2004 жылдың желтоқсанына дейін, 10 жыл бойы Лисаковск қаласы әкімшілігі басшысы болды,^[2] бұл лауазымының атауы 1995 жылы Лисаковск әкімі болып өзгертілді.^[1]

2004 жылдың желтоқсанынан бері, тура 2 жыл бойы Қостанай облысы әкімі Сергей Кулагинның орынбасары қызметін атқарды.

2007–2008 жылдары Альберт Рау бір жыл бойы «Сарыарқа» әлеуметтік-кәсіпкерлік корпорациясы» ұлттық компаниясының төрағасы болып тағайындалды.

Үкіметтегі мансабы

2010 жылдан 2014 жылға дейін Рау Индустрия және жаңа технологиялар министрі Әсет Исекешевтің бірінші орынбасары қызметінде болған.

2014 жылдан 2016 жылға дейін Инвестициялар және даму министрінің орынбасары қызметін атқарды.

2016–2017 жылдары аралығында Рау Инвестициялар және даму бірінші вице-министрі болған.

Парламенттегі мансабы

2017 жылы Альберт Рау Қазақстан Мәжілісі VI-сайланым депутаты болып сайланды, Мәжілісте Қаржы және бюджет комитетінің мүшесі болған, депутаттығын 2021 жылға дейін Мәжілістің ыдырауына дейін жалғастырды.^[5]

2021 жылы жетінші сайланған Қазақстан Мәжілісінің депутаты болып сайланды, Мәжілістің Экономикалық реформалар және өңірлік даму комитетінің төрағасы қызметіне тағайындалды,^[5] «Аманат» фракциясының мүшесі болды. Депутаттығын 2023 жылы аяқтады.^[1]

2023 жылдың 31 наурызында Аманат фракциясының мүшелігін жалғастырып, сегізінші сайланған Мәжілістің депутаты болып сайланды. Депутаттығының басталған салысымен Қазақстан Республикасы Парламенті Мәжілісі Төрағасының орынбасары болып тағайындалды.^[1]

2017 жылдан бері «Жаңғыру» қазақстандық немістер қоғамы» қоғамдық қорының төрағасы болып келеді.^[5]

Жеке өмірі

Альберт Рау орыс және неміс^[2] тілдерін меңгерген.

Альберт Рау үйленген. Жұбайы — Светлана Васильевна Рау, 1985 жылы туған қызы Александра және 1986 жылы туған ұлы Алексей бар.^[2]

Ғылыми атақтары, дәрежелері

1998 жылы «Облыс экономикасының кешенді дамуы және оны нарыққа бейімдеу мәселесі (Лисаков АЭА өнеркәсіп кешенінің материалдары негізінде)» (түпнұсқасында орыс. «Комплексное развитие экономики региона и проблема адаптации ее к рынку (на материалах промышленного комплекса Лисаковской СЭЗ)») деген тақырыпта диссертация қорғады.^[5]

2008 жылы Ш.Уәлиханов атындағы Мемлекеттік университеттің Көкшетаулық институтының құрметті профессоры және 2011 жылы Қазақстан Ұлттық жаратылыстану ғылымдары академиясының академигі атанды.^[5]

Альберт Рау — экономика ғылымдарының докторы^[1] және өзі оқып бітірген Рудный индустриалды институтының құрметті профессоры.^[5]

Марапаттары

Раудың марапаттар тізімі:^[1]

2-дәрежелі Достық ордені;
3-дәрежелі Барыс ордені;
Парасат ордені;
2-дәрежелі «Кенші даңқы» белгісі;
1-дәрежелі «Еуразиялық Одақты құруға сіңірген еңбегі үшін» медалі;
Германия Федеративтік Республикасына сіңірген еңбегі үшін орденінің офицер кресті;
«Қазақстан Республикасының тәуелсіздігіне 10 жыл» медалі;^[3]
«Қазақстан Республикасы білім беру ісінің үздігі» төс белгісі;^[3]
1-дәрежелі Барыс ордені.^[6]

Қосымша ақпарат

↑ 1994–1995 жылдары «Әкім» лауазымы «қалалық әкімшілік басшысы» болып аталған

Дереккөздер

↑ ^a ^b ^c ^d ^e ^f ^g ^h ⁱ ^j ^k РАУ АЛЬБЕРТ ПАВЛОВИЧ (қаз.). Қазақстан Парламенті Мәжілісінің ресми сайты. Тексерілді, 26 тамыз 2023.
↑ ^a ^b ^c ^d ^e ^f ^g ^h ⁱ ^j ^k Рау Альберт Павлович (орыс.). zakon.kz. Тексерілді, 26 тамыз 2023.
↑ ^a ^b ^c ^d ^e ^f БАУМАН, Николас Альберт Рау (орыс.). Қазақстан немістерінің Біртұтас порталы. Тексерілді, 26 тамыз 2023.
↑ Видео YouTube сайтында
↑ ^a ^b ^c ^d ^e ^f Рау Альберт Павлович (орыс.). eldala.kz (9 марта 2022). Тексерілді, 26 тамыз 2023.
↑ Республика күні қарсаңында ғалымдар, мұғалімдер, құтқарушылар мен өндіріс үздіктері марапатталды (қаз.). informburo.kz (23 қазан 2024). Тексерілді, 23 қазан 2024.

[1] 1994–1995 жылдары «Әкім» лауазымы «қалалық әкімшілік басшысы» болып аталған

[majilis-2] ↑ ^a ^b ^c ^d ^e ^f ^g ^h ⁱ ^j ^k РАУ АЛЬБЕРТ ПАВЛОВИЧ (қаз.). Қазақстан Парламенті Мәжілісінің ресми сайты. Тексерілді, 26 тамыз 2023.

[zakonkz-3] ↑ ^a ^b ^c ^d ^e ^f ^g ^h ⁱ ^j ^k Рау Альберт Павлович (орыс.). zakon.kz. Тексерілді, 26 тамыз 2023.

[wiedergeburt-4] ↑ ^a ^b ^c ^d ^e ^f БАУМАН, Николас Альберт Рау (орыс.). Қазақстан немістерінің Біртұтас порталы. Тексерілді, 26 тамыз 2023.

[nemis-5] Видео YouTube сайтында

[eldala-6] ↑ ^a ^b ^c ^d ^e ^f Рау Альберт Павлович (орыс.). eldala.kz (9 марта 2022). Тексерілді, 26 тамыз 2023.

[7] Республика күні қарсаңында ғалымдар, мұғалімдер, құтқарушылар мен өндіріс үздіктері марапатталды (қаз.). informburo.kz (23 қазан 2024). Тексерілді, 23 қазан 2024.

[1]

[a]

[2]

[3]

[4]

[5]

[6]