Амангелді Ыбрайұлы Тәжібаев

Амангелді Ыбрайұлы Тәжібаев

1942 жылы 19 ақпанда РКФСР Астрахан облысы Марфинский ауданы Мултаново ауылында туған. Қазақ.

Әкесі - Тәжібаев Ыбрай Дәулеталыұлы, ұжымшарда жұмыс істеген. Анасы - Тәжібаева Дәметкен Қыдыралықызы, ұжымшарда жұмыс істеген.

Құрманғазы атындағы Театр-көркемсурет институтының актерлік факультетін (1965) актер мамандығы бойынша; КСРО Мемкиносы жанындағы кинорежиссерлердің Жоғары курстарын (1980) көркем фильмдердің қоюшы режиссері мамандығы бойынша бітірген.

«Құланның өлімі», «Нан» киносценарийлерінің, сондай-ақ театр мен кино жайындағы 15-20 мақаланың авторы. «Ақырғы асу» - Серікбай (1981), «¥зақ құс жолы» - Тұраш (1983), «Қадам» (КСРО, Жапония, 1988) фильмдеріне түскен.

«Нан мен тұз» (киноальманах, режиссер және сценарийшы, 1977), «Сыңғырық аптап мерзімі» (1980), «Ақырғы асу» (1981), «¥зақ құс жолы» (1983), «Кімсің сен, шабандоз?» (1987) фильмдерінің режиссері.

Қазақ және орыс тілдерін біледі.

Ш. Айманов атындағы «Қазақфильм» киностудиясының қоюшы режиссері. Кинорежиссер.

«Демократиялық таңдау» Дөңгелек үстелінің мүшесі. КСРО Кинематографистер одағының мүшесі (1981).

«Құрмет белгісі» орденімен, «Еңбектегі ерлігі үшін», Вьетнам Демократиялық Республикасының Халықтар достығы медальдарымен марапатталған. «Қорғаныс бастығы» көркем фильмі үшін - Республикалық «Жігер» фестивалінің лауреаты. «¥зақ құсжолы» толық метражды көркем фильмі үшін - Бүкілодақтық фестивальдың лауреаты.

Діни көзқарасы - құдайға сенетін мұсылман.

Саяси қайраткер ретіндегі идеалы - В.В. Путин.

Қазақстанның болашағы туралы болжамы - «Жақсы өзгерістерге үміттенемін».

Хоббиі - ағашпен жұмыс, аңшылық, балық аулау.

Сүйіп оқитын әдебиеті - көркем әдебиет, детективтік жанр.

Үйленген. Жұбайы - Тәжібаева Қаракөз, үй шаруасымен айналысады. Қыздары - Айгүл (1968 жылы туған), Дина (1969 жылы туған), Айман (1972 жылы туған), Шолпан (1982 жылы туған).