Аманжол Зейнуллин

Зейнуллин Аманжол (19.8.1949 жылы туған, Атырау облысы,Құрманғазы ауданы, Жормата ауылы)— ғалым, қоғам қайраткері, ғылым кандидат (1981), доцент. Еңбек жолын Ақжайық ауданындағы «Чапаев» асыл тұқымды мал зауытында бас зоотехник ретінде бастаған. Кейін әр түрлі өнер-кәсіп орындарында жауапты қызметтер атқарып, бұрын Батыс Қазақстан Ауыл Шаруашылық Институтында (1992-94) сабақ берді. Облыстың саяси-әлеуметтік өміріне белсене араласып, «Қазақ тілі» қоғамының (1990), «Азат» қозғалысының (1991) жергілікті бөлімшесін ұйымдастыруға жетекші болды. 1997 жылы «Еділ-Жайық қазақтары қауымдастығын» құрып, орыс-қазақ тілдерінде «Еділ-Жайық» газетін шығарып келеді. «Бекарыс» ЖШС-нің бас директоры. 20-дан аса ғылыми-танымдық еңбектері жарияланған, мал тұқымын асылдандыруға байланысты зерттеу жұмыстарына 2 авторлық куәлік берілген.