Аманжол Мағзұмұлы Нұрмағамбетұлы

Аманжол Мағзұмұлы Нұрмағамбетұлы 1950 жылы 3 маусымда Көкшетау қаласында туған. Қазақ. Әкесі - Нұрмағамбетов Мағзұм, марқұм. Анасы - Ескендірова Мәрзия, марқұм. С.М. Киров атындағы Қазақ мемлекеттік университетінің заң факультетін (1975) құқықтанушы мамандығы бойынша; М.В. Ломоносов атындағы ММУ аспирантурасын бітірген. Заң ғылымдарының кандидаты, докторы (1998). Докторлық диссертациясының тақырыбы: «Еңбек нарығы: құқықтық мәселелер және перспективалар». Л.Н. Гумилев атындағы Еуразиялық ұлттық университеттің профессоры (1999 жылдан). ҚР Әлеуметтік ғылымдар академиясының академигі (2002 жылдан). «Еңбек нарығы: құқықтық мәселелер және перспективалар» (1998) монографиясының, сондай-ақ 100-ден астам мақаланың авторы. «Қазақстан Республикасындағы еңбек туралы» ҚР Заңына түсініктеменің» бірлескен авторы (1999). «Қазақстан Республикасындағы Конституциялық бақылау» кітабының бірлескен авторы (2005). Қазақ және орыс тілдерін біледі. КОКП мүшесі (1976-1991). 1968 жылдан - Қазақ эпидемиология және микробиология ГЗИ техник-тоңазытқышшысы. 1975 жылдан - С.М. Киров атындағы Қазақ мемлекеттік университетінің ассистенті, аға дәріскері, доценті, партия комитеті хатшысының орынбасары. 1989 жылдан - Қазақстан Компартиясы ОК консультанты, сектор меңгерушісі. 1992 жылдан - ҚР Президенті Аппараты мен Министрлер Кабинетінде сектор меңгерушісі; ҚР Конституциялық сотының судьясы.. 1996 жылдан - ҚР Бағалы қағаздар жөніндегі Ұлттық комиссиясының мүшесі; еңбек және халықты әлеуметтік қорғау министрінің орынбасары. 1999 жылдан - ҚР Парламенті Сенаты төрағасы хатшылығының меңгерушісі; ҚР Президенті Әкімшілігінің бас инспекторы. 2005 жылдан бері - ҚР Конституциялық Кеңесінің мүшесі. «Қазақстан Конституциясына 10 жыл», «Қазақстан Парламентіне 10 жыл», «Астананың 10 жылдығы» мерейтой медальдарымен марапатталған; ҚР Президентінің Алғысымен аталған. Қазақстанның Еңбек сіңірген қайраткері (2005). Әскери атағы - артиллерия майоры. Діни көзқарасы - атеист.Саяси қайраткер ретіндегі идеалы - III. де Голль. Қазақстанның болашағы туралы болжамы - «2015 жылы әлемнің дамыған 50 елінің қатарына қосылады». Хоббиі - жүзу. Сүйіп оқитын әдебиеті - тарихи шығармалар, I. Есенберлиннің шығармалары. Үйленген. Жұбайы - Нұрмағамбетова Сәуле Бұрқатқызы (1955 жылы туған), Қазақ гуманитарлық заң университетінің доценті. Ұлдары - Данияр (1979 жылы туған), судья; Әнуар (1983 жылы туған), жоғары оқу орнының дәріскері; Әнет (1987 жылы туған), М.В. Ломоносов атындағы ММУ студенті.