Анатолий Васильевич Григоров

Анатолий Васильевич Григоров 1942 жылы 17 тамызда РКФСР Воронеж облысы Лискин ауданы Нижний Икорец ауылында туған. Орыс. Әкесі - Григоров Василий Степанович, марқұм. Анасы - Григорова Александра Захаровна, марқұм. А.В. Луначарский атындағы Мәскеу мемлекеттік театр өнері институтының актерлік факультетін бітірген (1969), драма және кино актері. 1961 жылдан - К.С. Станиславский атындағы Қарағанды драма театрының актері. 1972 жылдан - М.Ю. Лермонтов атындағы Алматы орыс драма театрының актері. 1973 жылдан - К.С. Станиславский атындағы Қарағанды драма театрының актері. 1974 жылдан - Балтық флоты драма театрының актері (Лиепая, Латвия). 1975 жылдан бері - К.С. Станиславский атындағы Қарағанды драма театрының актері. ҚазКСР Еңбек сіңірген әртісі (1979). ҚР Мәдениет, ақпарат және қоғамдық келісім министрлігінің (2001), Қарағанды облысының мәдениет департаментінің (2002) құрмет грамоталарымен марапатталған. Діни көзқарасы - атеист. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Тұрақтылық және өркендеу». Хоббиі - қыл қалам. Сүйіп оқитын әдебиеті - орыс классикасы. Үйленген. Жұбайы - Штоколова Нэлли Федоровна (1938 жылы туған), актриса. Ұлы - Григоров Максим Анатольевич (1964 жылы туған).