Арман Тілектесұлы Бердалин

Арман Тілектесұлы Бердалин (10 желтоқсан 1983 жылы, Айсары ауылында туды) — айтыскер, ақын, жазушы, саясаттанушы. Ұлты — қазақ, діні — ислам.

Арман Тілектесұлы Бердалин
Туған күні	10 желтоқсан 1983 (1983-12-10) (40 жас)
Туған жері	қазіргі Солтүстік Қазақстан облысы, Ақжар ауданы, Айсары ауылы
Азаматтығы	Қазақстан
Ұлты	Қазақ
Мансабы	Қоғам қайраткері, айтыскер, ақын, жазушы, саясаттанушы.
Бағыты	Айтыс

Өмірбаяны

Арман Тілектесұлы Бердалин 10 желтоқсан 1983 жылы, қазіргі Солтүстік Қазақстан облысы, Ақжар ауданы, Айсары ауылында туды. Көкшетау университетінің саясаттану факультетін бітірген (2004). Красный Яр кентіндегі Мәдениет үйінің директоры (2007). 1992 жылы өткен «Әнші балапан» конкурсының жеңімпазы. Абайдың 150-жылдығына (1995), Қарасай батырдың 400 жылдығына (1998), Сұлтанмахмұт Торайғыровтың 110-жылдығына (2003), Мағжан Жұмабаевтың 110-жылдығына (2003, 2-ші орын), Сейтен Сауытбаевтың 95-жылдығына (Гран-при), Көкен Шәкеевтің 80 жылдығына (Гран-при, 2004), Шығанақ Берсиевтың 125-жылдығына (Гран-при, 2006), Қостанай облысының 70-жылдығына (Гран-при, 2006), Қарағанды облысының 70-жылдығына (2007), Ақмола облысының 70-жылдығына (2009) арналып өткізілген көптеген өңірлік, республикалық айтыстардың жеңімпазы. Махамбет Өтемісұлының 200 жылдығына арналған «Жас толқын» фестивалінде 1-орын алды. Ресейдегі Қазақстан жылына (Мәскеу, 2004) арналып өткізілген халықаралық ақындар айтысына қатысқан.

2001 жылдан бастап «Реквизит» ЖШС «Бұқпа» газетінің тілшісі. 2002 жылдан бастап «Камирас» ЖШС «Алаш үні» республикалық газетінің тілшісі. 2006 жылдан бастап «Көкшетау» МС фольклорлық ансамблінің жетекшісі. 2007 жылдан бері Көкшетау қаласының мәдениет пен тілдерді дамыту бөлімінің «Көкше» МС директоры. С. Сауытбековтың 95-жылдығына орай Республикалық ақындар айтысының бас жүлдегері (СҚО) (2003); К. Шәкеевтың 80-жылдығына орай Республикалық ақындар айтысының бас лауреаты (2004), сондай-ақ Қарағанды облысындағы, Атырау, Ақтөбе, Павлодар және т.б. қалалардағы республикалық жас ақындар сайыстарының бірнеше мәрте лауреаты. Қазақстанның болашағы туралы болжамы — «Гүлденген мемлекет». Хоббиі — бильярд ойыны, кітап оқу, өлең жазу.

Еңбектері

• «Айсары» кітабы (2004).
• «Қазақ пен арақ» кітабы (2008).
• «Жоқ іздеп жүрмін...» кітабы (2023).

Отбасысы

• Әкесі — Бердалин Тілектес Ибраһимұлы — 2012 жылы қайтыс болған. Қойшы.
• Анасы — Бердалина Гаухар Ахмерқызы — зейнеткер, түрлі жұмыстарды атқарған.
• Жұбайы — Бердалина Алуа Жамбылқызы (1984 жылы туған),
• Ұлы — Тілектес Темірұлан Арманұлы (2004 жылы туған).
• Ұлы — Тілектес Марғұлан Арманұлы (2007 жылы туған).
• Қызы — Тілектес Мөлдір Арманқызы (2009 жылы туған).
• Ұлы — Тілектес Әмірұлан Арманұлы (2010 жылы туған).
• Ұлы — Тілектес Науан Арманұлы (2015 жылы туған).
• Ұлы — Тілектес Хазірет-Сұлтан Арманұлы (2019 жылы туған).
• Ұлы — Тілектес Сұлтан-Бейбарыс Арманұлы (2022 жылы туған).