Ақжар ауданы

Ақжар ауданы — Солтүстік Қазақстан облысындағы аудан. Аудан орталығы Талшық кенті.

Қазақстан ауданы
Ақжар ауданы
Әкімшілігі
Облысы	Солтүстік Қазақстан облысы
Аудан орталығы	Талшық
Ауылдық округтер саны	12
Ауыл саны	24
Әкімі	Тұралинов Серiкбай Шәрiпұлы
Тарихы мен географиясы
Координаттары	53°53′20″ с. е. 71°33′46″ ш. б.53.88889° с. е. 71.56278° ш. б. / 53.88889; 71.56278
Құрылған уақыты	1974 жыл
Жер аумағы	8,04 км²
Уақыт белдеуі	UTC+6:00
Тұрғындары
Тұрғыны	17 431 адам (2015)
Ұлттық құрамы	қазақтар (78,09%) орыстар (13,91%) украиндар (2,86%) немістер (1,37%) белорустар (1,31%) татарлар (1,19%)
Сандық идентификаторлары
Пошта индексі	150200-150221
Автомобиль коды	15
azh.sko.gov.kz/index.php

Аудан 1997 жылы құрылды. Ақжар ауданы Ленин және Ленинград аудандарының қосылу нәтижесiнен құрылды.

Аудан аймағы - 8,04 мың шаршы километр. 2010 жылғы 1 қаңтарға халқының саны 21,4 мың адамды құрады. Халықтың тығыздығы (бiр шаршы километрге) 2,7 адам.

Әкiмшiлiк орталығы - Талшық ауылы, облыс орталығынан 285 шақырым қашықтықта орналасқан.

Ауданда - 12 ауылдық округ, 25 ауылдық елдi мекен бар.

Солтүстiгiнде Ресей Федерациясымен, батысында Тайынша ауданымен, оңтүстiгiнде Ақмола облысымен, оңтүстiк-шығысында Уәлиханов ауданымен шектесiп жатыр.

Аудан өсiмдiк жамылғысынан дала зонасында орналасқан, бетең, бiркелкi бетең және құрғақ дала зонасында. Аудан аумағының негiзгi топырақ түрлерi: қара топырақ, оңтүстiк қара топырақ, шалғынды, шалғынды қара топырақты, шалғынды-батпақ, сортаң болып келедi.

Аудан аумағымен бастауын тыс жерден алатын аудан арқылы өтетiн ұзындығы 80 километр Ащысу өзенi ағып жатыр. Сонымен қатар бiрнеше кiшкене көлдер бар, олар жаңбыр, қар және жер асты суларымен толықтырылады.

2009 жылдың қорытындылары

Ауданда 2010 жылғы 1 қаңтарға 221 кәсiпорын тiркелген, оның iшiнде 1 - iрi, 12 - орта, 208 - шағын кәсiпорындар. Олардан 93 заңды тұлға мемлекеттiк меншiк нысанына, 126 жеке меншiк , 2 - заңды тұлға шетел меншiгi нысанына жатады.

Ауданда облыстың ауыл шаруашылығының жалпы өнiмiнiң 5,8%-ы өндiрiлген (13 876,4 млн.теңге).

Өнеркәсiп кәсiпорындарымен (қаржылық емес корпорация секторы) 262,7 млн.теңгенiң өнiмi өндiрiлдi, облыстағы үлесi 0,4%. Өнеркәсiп өнiмiнiң физикалық көлемiнiң индексi 121,1% құрайды.

Бөлшек тауарайналымының көлемi (қоғамдық тамақтандырусыз) 319,0 млн.теңге сомасын құрайды. Тауарайналымның физикалық көлемiнiң индексi 82,4% құрады.

2009 жылдың басына аудан кәсiпорындарының негiзгi құрал-жабдықтары 5 926,1 млн.теңге сомасын құрап, тозу деңгейi 22,2% болды.

Негiзгi капиталға салынған инвестиция көлемi 708,4 млн.теңге құрады.

Пайдалануға 3,2 мың шаршы метр тұрғын үй берiлдi.

Ауданның экономикасында 11,9 мың адам жұмыс iстейдi.

Орташа айлық жалақы (кәсiпкерлiк қызметпен айналысатын шағын кәсiпорындарсыз) өткен жылмен салыстырғанда 22,6% өсiп, 36 047 теңгенi құрады. Нақты жалақы 14,6% өстi.

Орташа жан басына шағып есептегенде атаулы ақшалай табыс 24 247 теңге құрады.

Орташа жан басына шаққандағы күн көрiстiң ең төменгi деңгейiнiң шамасы жыл аяғына 11 113 теңге құрады.

Ауылдық округтер

Аудандағы 24 елді мекен 12 ауылдық округке біріктірілген:

Ауылдық округ	Халқы (2009)	Елді мекендері
Айсары ауылдық округі	331	Айсары ауылы
Ақжарқын ауылдық округі ‎	1285	Ақжарқын, Ащыкөл ауылдары
Алқатерек ауылдық округі	904	Алқатерек ауылы
Восход ауылдық округі	609	Восходское, Ақсай ауылдары
Кеңащы ауылдық округі ‎	613	Кеңащы, Байтуыс ауылдары
Кіші қараой ауылдық округі ‎	1421	Бостандық, Кіші Қараой ауылдары
Қулыкөл ауылдық округі ‎	1171	Қулыкөл, Қарашілік ауылдары
Ленинград ауылдық округі ‎	4840	Ленинградское, Дәуіт, Қызылту ауылдары
Май ауылдық округі ‎	556	Майское ауылы
Талшық ауылдық округі ‎	4802	Талшық, Қазан, Тұғыржап, Үлгілі ауылдары
Ұялы ауылдық округі ‎	1031	Ұялы, Ақсары ауылдары
Үлкен Қараой ауылдық округі ‎	1412	Баймырза, Горьковское ауылдары