Асылхан Зейноллаұлы Оспанов

Асылхан Зейноллаұлы Оспанов

1950 жылы 1 қаңтарда РКФСР Омбы облысы Шарбақкөл ауданының Шахат ауылында туған. Қазақ.

Әкесі - Омаров Зейнолла Шәріпұлы (1907-1988). Анасы - Омарова Орындық Оспанқызы (1916-1996).

Целиноград қаржы-экономика техникумын (1970) қаржыгер мамандығы бойынша; Алматы халық шаруашылық институтының «Қаржы және несие» факультетін (1981) экономист мамандығы бойынша бітірген.

«Тәуелсіздік теңгесі» кітабының авторы (2003).

Қазақ, орыс және неміс (сөздікпен) тілдерін біледі.

1967 жылдың шілдесінен - Көкшетау облысы Еңбекшілдер ауданының «Жамбыл» кеңшарында жұмысшы. 1968 жылдың қыркүйегінен - Целиноград қаржы-экономика техникумының оқушысы. 1970 жылдың наурызынан - Ленинград аудандық қаржы бөлімінің мемлекеттік кіріс инспекторы, 1971 жылдың қазанынан - КСРО Мемлекеттік банкі Ленинград бөлімшесінің несие инспекторы (Көкшетау облысы). 1974 жылдың қазанынан - КСРО Мемлекеттік бөлімше басқарушысының орынбасары, 1979 жылдың сәуірінен - Талшық қала үлгісіндегі кенттің мемлекеттік банк бөлімше басқарушысы. Ленин аудандық халық депутаттары кеңесінің депутаты (1980-1984).1985 жылдың мамыр айынынан - КСРО Мемлекеттік банкі Көкшетау облыстық кеңсесі басқарушысының орынбасары. 1987 жылдың қарашасынан - КСРО Агроөнеркәсіп банкі Көкшетау облыстық басқармасының бастығы. 1990 жылдың қазанынан - КСРО Агроөнеркәсіп банкі Көкшетау облыстық басқармасының басқарма төрағасы. 1992 жылдың сәуірінен - ҚР Ұлттық банкі Көкшетау облыстық басқармасының бастығы. 1997 жылдың шілдесінен - ҚР Ұлттық банкі Солтүстік Қазақстан басқармасының бөлімше бастығы (Көкшетау қаласы). 1997 жылдың қазанынан - Ақмола облысы бойынша Салық комитетінің төрағасы. 1998 жылдың желтоқсанынан - ҚР Мемлекеттік кіріс министрлігі Мемлекеттік кірістердің есебін жүргізу және талдау департаментінің Талдау басқармасы директорының орынбасары - бастығы. 1999 жылдың наурызынан - ҚР Мемлекеттік кіріс министрлігінің Талдау және болжау департаментінде жергілікті бюджетті талдау бөлімінің бас маманы. 1999 жылдың маусымынан - «Республикалық ипотекалық несиелендіру қоры» ААҚ басқарма төрағасының орынбасары. 1999 жылдың желтоқсанынан - «Қазақстан Республикасының Ұлттық банкі» ММ Үйлестіру басқармасы қаржы мекемелерімен жұмыс жөніндегі бөлімінің бастығы (Астана қаласы). 2001 жылғы 1 маусым-шілде аралығында ҚР Ұлттық Банкі Үйлестіру басқармасында басқарма бастығының орынбасары.

2001 жылдың шілдесінен - «Қазақстан Республикасының Ұлттық банкі» ММ Ақмола облыстық филиалы директорының міндетін атқарушы, 2001 жылдың қыркүйек айынан 2012 жылдың наурыз айынана дейін - «Қазақстан Республикасының Ұлттық банкі» ММ Ақмола облыстық филиалының директоры. 2012 жылдың наурыз айынынан 2014 жылы қаңтардың 1-іне дейін үйлестіру департамент директорының орынбасары (Астана қаласы). 2014 жылдан бері зейнеткер.

Марапаттары

• «Құрмет» орденімен (2005);
• «Қазақстан Конституциясына 10 жыл» мерейтой медалімен (2005);
• «Қазақстан Республикасы Ұлттық банкінің еңбек сіңірген қызметкері» төс белгісімен (2001);
• ҚР Президентінің (2001, 2003),
• Ақмола облысы әкімінің (2006),
• ҚР Ұлттық банкі төрағасының (2007),
• «Қазақстан Республикасының Тәуелсіздігіне 30 жыл» мерекелік медалімен (2021),
• ҚР Мемлекеттік қызмет істері жөніндегі агенттігінің төрағасы (2008),
• Ақмола облысы бойынша ҚР Мемлекеттік қызмет істері жөніндегі агенттігі төрағасының (2009) алғыс хаттарымен;
• КСРО Мемлекеттік банкінің 60-жылдығына орай құрмет грамоталарымен (1981),
• Көкшетау қаласы әкімінің (2002),
• Ақмола облысы әкімінің (2003) құрмет грамотасымен марапатталған.

Діни көзқарасы

Діни көзқарасы - мұсылман.

Саяси қайраткер ретіндегі идеалы

Саяси қайраткер ретіндегі идеалы - Абылай хан, С. Сейфуллин

Қазақстанның болашағы туралы болжамы

Қазақстанның болашағы туралы болжамы - «Өз дәстүрлеріне сай 30-миллиондық өркендеген Қазақстан. Прогрессивті көзқарастарға, «жаңарған» жастары бар аграрлық-индустриалдық ел».

Хоббиі

Хоббиі - кітап оқу, спорт, музыка.

Сүйіп оқитын әдебиеті

Сүйіп оқитын әдебиеті - тарихи романдар, мақал-мәтелдер, белгілі адамдардың өмірі туралы хикаялар, атақты ақындар мен көрнекті мемлекет басшыларының айтқан сөздері.

Үй жағдайы

Үйленген. Жұбайы - Оспанова Бақыт Қабдуқызы, зейнеткер. Ұлдары - Арман (1973 жылы туған), Уәлихан (1987 жылы туған); қыздары - Күлжиян (1971 жылы туған), Әсемгүл (1977 жылы туған).